Цахим спортын "CS2" төрлийн хамгийн том тэмцээн болох Мэйжор ирэх 11 сарын 24-ны өдөр Унгар улсад эхэлнэ. Уг тэмцээнд Монгол улсаас хоёр баг оролцоно. Дэлхийн #1 эрэмблэгдэж буй "The MongolZ" баг тэмцээний гуравдугаар шатнаас оролцох бол "The Huns" баг тэмцээний нэгдүгээр шатнаас эхлэх эрхээ авчээ. Уг хоёр багийн бүрэлдэхүүнд байгаа төрсөн ах дүү хоёр болох Б.Баатархүү /Bart4k/ болон Б.Аюуш /mzinho/ нар хамтдаа мэйжор тэмцээндээ оролцож байна.
Тэмцээний шагналын сан 1,250,000 ам.доллар бөгөөд Ази тивээс зургаан баг оролцоно.
