ИРГЭД ТЭГШ, СОНДГОЙГ ДЭМЖЭЭГҮЙ Ч ЗАХИРАМЖИЙН ДАГУУ ЗОРЧИНО

Нийслэлийн авто замын түгжрэл нэмэгдсэн өдрүүдэд түр хугацааны зохицуулалт хийх эсэх талаар албаныхан иргэдээс санал авсан. Гэвч иргэд улсын дугаарын тэгш, сондгойгоор зорчих нь зөв шийдвэр биш гэж үзсэн байна. Тиймээс дугаарын тэгш, сондгойгоор хязгаарлах шийдвэр албажаагүй.

ЗХУТ-өөс тодруулахад, замын хөдөлгөөний ачаалал нэмэгдсэн. Зохицуулалтуудыг мөн нэмж ажиллаж байна. Гэхдээ улсын дугаарын тэгш, сондгойгоор хязгаарлах шийдвэр гараагүй. Харин дугаарын хязгаарлалт захирамжийн дагуу хэвийн үргэлжилж байгаа.

Өөрөөр хэлбэл, 1, 6-гаар төгссөн улсын дугаартай бол Даваа гаригт хөдөлгөөнд оролцуулахгүй захирамж хэвээр үйлчилнэ гэлээ.

Одоогийн зохицуулалтаар,  дугаарын хязгаарлалт 08:00-20:00 цагийн хооронд үйлчилж байна.

• 1 ба 6-аар төгссөн дугаартай бол ДАВАА гаригт хөдөлгөөнд оролцохгүй.
• 2 ба 7-оор төгссөн дугаартай бол МЯГМАР гаригт хөдөлгөөнд оролцохгүй.
• 3 ба 8-аар төгссөн дугаартай бол ЛХАГВА гаригт хөдөлгөөнд оролцохгүй.
• 4 ба 9-өөр төгссөн дугаартай бол ПҮРЭВ гаригт хөдөлгөөнд оролцохгүй.
• 5 ба 0-ээр төгссөн дугаартай бол БААСАН гаригт хөдөлгөөнд оролцохгүй юм.

Улсын дугаарын тэгш, сондгойгоор зорчих хөдөлгөөний санал асуулгад нийт 4000 гаруй хүн санал өгсөн бөгөөд тэдний 59 хувь нь дэмжихгүй гэх хариултыг сонгожээ. Ингэснээр иргэд дэмжээгүй учир тус санал шийдвэр гаргалтын шат руу явахгүй гэсэн үг.