ДЭЛХИЙН ТАМИРЧДАА УЛСААС НАСАН ТУРШИД НЬ САР БҮР УРАМШУУЛДАГ

Олимп, паралимпоос медаль хүртсэн тамирчдын хөдөлмөрийг төрөөс үнэлж тодорхой хэмжээний мөнгөн урамшуулал олгодог билээ.

Тодруулбал, Монгол Улсын Ерөнхийлөгч асан Ц.Элбэгдоржийн зарлигаар 2012 оноос эхлэн Олимп, Дэлхийн аваргаас медаль хүртсэн баг тамирчдад насан туршид нь сар бүр мөнгөн урамшуулал олгодог болсон. Тус зарлиг дээр үндэслэн 2018 оны Засгийн газрын 173-р тогтоолын дагуу мөнгөн урамшуулал олгодог билээ.

Тэгвэл тамирчдад сар бүр олгох урамшуулал хэд байдаг талаар хүргэе.

• Олимп/Паралимпоос алтан медаль хүртсэн тамирчинд сар бүр 4 сая төгрөг
• Олимп/Паралимпоос мөнгөн медаль хүртсэн тамирчинд сар бүр 3 сая төгрөг
• Олимп/Паралимпоос хүрэл медаль хүртсэн тамирчинд сар бүр 2 сая төгрөг
• Дэлхийн аварга шалгаруулах тэмцээнээс олимпийн спортын зай, жинд алтан медаль хүртсэн тамирчинд сар бүр 2 сая төгрөг
• Дэлхийн аварга шалгаруулах тэмцээнээс олимпийн спортын зай, жинд мөнгөн медаль хүртсэн тамирчинд сар бүр 1 сая төгрөг
• Дэлхийн аварга шалгаруулах тэмцээнээс олимпийн спортын зай, жинд хүрэл медаль хүртсэн тамирчинд 500 мянган төгрөгийн урамшуулал сар бүр олгодог байна.

Түүнчлэн 2023 оны дөрөвдүгээр сарын Засгийн газрын хуралдаанаар олимп, паралимпын наадам, дэлхийн аварга шалгаруулах тэмцээн болон бусад спортын наадам, тэмцээнд амжилт гаргасан тамирчин, түүний дасгалжуулагч нарт Засгийн газраас олгогддог мөнгөн шагнал, сар бүрийн урамшууллыг ёс зүйн дүрэм болон хуулийн хариуцлага хүлээсэн тамирчин, дасгалжуулагч нарт олгохгүй байх зохицуулалтыг шинээр тусгасан байдаг.

Олимп, паралимпийн медаль хүртсэн тамирчдад олгодог нэг удаагийн урамшуулалын 

• Алтан медаль - 120 сая төгрөг
• Мөнгөн медаль - 60 сая төгрөг
• Хүрэл медаль - 30 сая төгрөг