Ш.Энхтөр: Томуу, томуу төст өвчнөөс сэргийлж тав хүртэлх насны хүүхдүүдээ вакцинжуулалтад хамруулаарай

Томуу, томуу төст өвчнөөс сэргийлэх зөвлөмжийг Монгол Улсын гавьяат эмч, Анагаах ухааны доктор, клиникийн профессор Ш.Энхтөр хүргэж байна. 

Тэрбээр "Томуу, томуу төст өвчнөөс сэргийлэх үндсэн хоёр бүлэг арга зам бий.

• Нэгдүгээрт өвөрмөц бус сэргийлэлт
• Хоёрдугаарт өвөрмөц сэргийлэлт

Өвөрмөц бус сэргийлэлт гэдэг нь тухайн хүүхдийг чийрэгжүүлэхээс эхлээд архаг өвчнийг эмчлэн илааршуулах, шим тэжээлтэй хоол өгөх, халдварт өртөх эрсдэлийг бууруулах, дулаан хувцаслах, зөв цагт нь унтуулж амраах гэх мэтчилэн маш олон арга хэмжээ багтдаг.

Өвөрмөц сэргийлэлт нь томуу, томуу төст өвчний вакцинжуулалтад хамрагдах явдал. Өвчнөөс урьдчилан сэргийлэх үйл ажиллагаанд бүх нийтийн үүрэг оролцоо чухал.

Эцэг, эх, асран хамгаалагчид та бүхэн маань үүрэг хариуцлагаа ухамсартайгаар ойлгож, тав хүртэлх насны хүүхдүүдийг вакцинжуулалтад хамруулах үйл ажиллагаанд идэвхтэй оролцоорой гэдгийг хүсэж, уриалж байна" гэв.

https://www.facebook.com/watch...