БАРИМТЫГ ФОКУСЛАНА.

Сэлбэ хот, Дамбадаржааг дулаанаар хангах 63 МВт дулааны цахилгаан станц ирэх оны арванхоёрдугаар сард ашиглалтад орно

Г.Оюунтуяа
17 цагийн өмнө

Сэлбэ хот, Дамбадаржаа орчмыг дулаанаар хангах 63 МВт дулаан үйлдвэрлэх хүчин чадалтай Дамбадаржаа дулааны цахилгаан станцын барилга угсралтын ажил 20 гаруй хувьтай үргэлжилж байна. Тус байршилд нийслэлийн Засаг даргын нэгдүгээр орлогч Т.Даваадалай болон холбогдох албаныхан ажиллалаа.

Нийслэлийн Засаг даргын нэгдүгээр орлогч Т.Даваадалай “Улаанбаатар хотод тулгамдаж буй хамгийн том асуудал болох агаарын бохирдол нь дулааны дутагдлаас үүсэж байна. Тиймд, гэр хорооллыг хөгжүүлэх, хөрөнгө оруулалтаар дэмжих төслийн хүрээнд Азийн хөгжлийн банкнаас сүүлийн долоон жилд үе шаттай төслийг хэрэгжүүлж байгаа. Үүний нэг төсөл нь Дамбадаржаагийн дэд бүтцийн төсөл бөгөөд ЧД-ийн 19 дүгээр хороонд байрлах 63 МВт ДЦС-ын цогцолбор юм” гэв.

Улаанбаатар хотын гэр хорооллыг хөгжүүлэх, хөрөнгө оруулалтыг дэмжих хөтөлбөр төслийн Ерөнхий инженер Г.Жанлавцогзол “Төслийн гэрээ нь 2023 оны аравдугаар сарын 3-нд байгуулагдаж, гүйцэтгэгчээр Хятадын 2 дугаар металл, орд корпорац шалгарсан. Барилга угсралтын ажил энэ оны дөрөвдүгээр сард эхэлж, нийт гүйцэтгэл 20 гаруй хувьтай үргэлжилж байна. Үүний дотор суурийн ажлын хувьд 70 гаруй хувьтай бөгөөд стандартын шаардлага хангасан барилгын материалыг тухай бүрд нь БНХАУ-аас авч байна. Одоогийн байдлаар үндсэн зуухны металл хийцийн 17 машин ачаа хил дээр ирчихсэн байна. Нийт ажил төлөвлөгөөний дагуу ирэх оны наймдугаар сард барилга угсралтын ажил дуусаж, есдүгээр сараас туршилтын ажил эхэлнэ. Хүйтний улирлаас зуух болон гадна хийцийн ажлыг дуусгах талаар гүйцэтгэж компанид шаардлага тавин ажиллаж байна. Дамбадаржаа дулааны станцын яндан нь 86 метр өндөр бөгөөд өнөөдрийн байдлаар 65 метр хүртэл угсраад байна. Наймдугаар сарын 15 гэхэд яндангийн угсралтыг дуусгаж, өндөр температурт тэсвэртэй дотоод даацын ажлыг эхлүүлнэ” гэлээ.

Тус 63 МВт дулааны цахилгаан станц нь ачааллынхаа 29 МВт-ыг Дамбадаржаа руу хангах бөгөөд үлдсэн 34 МВт-аар Сэлбэ хотын хойд хэсгийн орон сууцыг хангах тооцоололтойгоор баригдаж байна.


0
angry
0
care
0
haha
0
liked
0
love
0
sad
0
wow

Шинэ мэдээ
Л.Алтангэрэл: Сэлбэ голын доор чулуун бэхэлгээ хийснээр лаг хагшаас тогтохгүй, гол тунгалаг байна 14 цагийн өмнө
Мотоциклтой замын хөдөлгөөнд оролцохдоо анхаарах АЮУЛГҮЙ БАЙДЛЫН ЗӨВЛӨГӨӨ 15 цагийн өмнө
Авто засвар, авто угаалга, хоёрдогч түүхий эд худалдаалж буй 188 байршилд хяналт шалгалт хийж байна 15 цагийн өмнө
The Hu хамтлаг Г.Түмэндэмбэрэл агсны хөшөөнд цэцэг өргөжээ 16 цагийн өмнө
УИХ-ын дарга Д.Амарбаясгалан БНАСАУ-ын Ардын Дээд Хурлын дарга Пак Ин Чөлтэй албан ёсны уулзалт хийлээ 16 цагийн өмнө
БЭЭЖИНД ОРСОН ААДАР БОРООНЫ УЛМААС 44 ХҮН АМИА АЛДАЖ, 9 ХҮН СУРАГГҮЙ БОЛЖЭЭ 16 цагийн өмнө
Сэлбэ хот, Дамбадаржааг дулаанаар хангах 63 МВт дулааны цахилгаан станц ирэх оны арванхоёрдугаар сард ашиглалтад орно 17 цагийн өмнө
Монгол Улсын Их Хурал, Олон Улсын Парламентын Холбоо хоорондын хамтын ажиллагааны санамж бичгийг сунгах тухай баримт бичигт гарын үсэг зурлаа 18 цагийн өмнө
Б.СОДБААТАР: “УЛААНБААТАР ТРАМ” ТӨСЛИЙН ШАВ ТАВЬСАН ГЭХ МЭДЭЭЛЭЛ ТАШАА 19 цагийн өмнө
ХИЙН ТҮЛШ, ЦАХИЛГААН ХОСОЛСОН ЗУУХ БҮТЭЭЖ, ХЭРЭГЛЭЭНД НЭВТРҮҮЛЖЭЭ 20 цагийн өмнө
Хөвсгөл аймагт гарсан түймрийн голомтод ажиллах алба хаагчдыг нисдэг тэргээр хүргэж байна 20 цагийн өмнө
Сурагчийн дүрэмт хувцсанд поло цамцыг нэмж оруулах саналыг гаргажээ 20 цагийн өмнө
Тээврийн хэрэгсэл хулгайлдаг хоёр бүлэг этгээдүүдийг баривчиллаа 21 цагийн өмнө
ГОЛ, УС БОЛОН НУУРАНД ЖИВЖ, АМИА АЛДСАН НИЙТ 43 ДУУДЛАГЫН 14 НЬ ХҮҮХЭД 21 цагийн өмнө
НИТХ-ын дарга А.Баяр: Айл өрхийг 2028 оныг хүртэлх хугацаанд үе шаттай хийн газын хэрэглээнд шилжүүлнэ 21 цагийн өмнө
УЛИРЛЫН БУЮУ ИРЭХ САРУУДЫН ЦАГ АГААРЫН ЕРӨНХИЙ ТӨЛӨВ 22 цагийн өмнө
УИХ-ын дарга Д.Амарбаясгалан: Шинэ парламент гадаадын хөрөнгө оруулалтыг дэмжих, эрх зүйн орчныг сайжруулах чиглэлээр ажиллаж байна 22 цагийн өмнө
Шинэ Төв цэвэрлэх байгууламжийг аравдугаар сард бүрэн ашиглалтад оруулна 22 цагийн өмнө
“Байр түрээслүүлнэ”, “Чингэлэг зарна” гэх мэт хуурамч зар байршуулан иргэдийг залилсан байж болзошгүй этгээдийг баривчиллаа 22 цагийн өмнө
Сэлбэ хот төслийн талбайд зөвшөөрөлгүй баригдсан барилгуудыг албадан буулгаж, гарсан хог хаягдлыг дахин боловсруулж эхэллээ 23 цагийн өмнө