Өчигдөр Монгол Улсын Засгийн газар, Монголын Үндэсний худалдаа, аж үйлдвэрийн танхим хамтран 24 дэх жилдээ “ТОП-100” ААН-ийг тодруулан өргөмжилсөн билээ. Энэ талаар “Монполимет” группийн захирал Н.Мөнхнасан цахим хаягтаа ийн бичжээ. Тэрээр,
"Энэ жил манайх ТОП 100 аж ахуйн нэгжийн жагсаалтад орсонгүй анх удаа завсарлаж үзлээ..
Учир нь манай компаниудын үйл ажиллагааг хагас жил гаран лацдаж, зогсоосон, данснуудыг 120 хоног царцааж, төрийн бүх төрлийн шалгалтуудыг хууль зөрчин давхардуулан оруулсан төдийгүй зарим нь одоо ч гэсэн үргэлжилж байна.
Гэсэн хэдий ч бид 1000 гаруй ажлын байраа хэвээр хадгалж үлдэн, 176 тэрбум төгрөгийг түүхэн хугацаандаа улсын төсөвт төвлөрүүлж, ТОП 100 аж ахуйн нэгжээр 12 удаа шалгарч, мөн нийгмийнхээ сайн сайхны төлөө олон төслүүд санаачлан хэрэгжүүлсээр байна. Хувийн хэвшлүүдээ дэмжсэн бодлого байхгүй бол бид улам л эдийн засгийн дархлаагүй болно.
Улс орныхоо эдийн засгийг нуруун дээрээ үүрч буй БҮХ аж ахуйн нэгж, татвар төлөгчдөдөө баяр хүргэе" гэжээ.
