Дараагийн Засгийн газар байгуулагдтал үүрэг гүйцэтгэгч Засгийн газар ажиллаж байна. Төрийн сан яам агентлагуудын төсвийг татаж, бүх юм тодорхой болтол төрийн албан хаагчдын цалин ч хойшлогдохыг урьдчилан сануулаад байна.
Ийм үед Засгийн газрыг хамаг хурднаараа эмхлэхээс аргагүй байдал үүссэн. МАН-ын фракцууд хоорондын Ерөнхий сайдаа төлөөх марафон ерөнхийдээ цэгцэрч 1-2 хүн дээр тогтож тохиролцсон мэдээлэл байна. Ямартай ч цахимд нэр дэвшиж өөрсдийгөө болон бусдыгаа захиалгаар сайлуулж муулуулж буй хүмүүсээс 2 нь тунаж үлдээд байна.
Өнөөдөр МАН-ын Удирдах зөвлөл хуралдахаар төлөвлөсөн гэж буй ч Ерөнхий сайдын асуудал орохгүй Их, Бага хурлын асуудлыг хэлэлцэх мэдээлэл байна.
Харин МАН-ын гишүүдийг тайвшруулах II ээлжнийхэнд дуулгах нэг таатай мэдээлэл нь Засгийн газарт 2 удаа улирсан хуучин сайд нарт дахиж боломж олгохгүй, огцруулна гэдэг дээр Ерөнхийлөгчтэй ойлголцож “Их эвсэл” гэх нэртэй парламент дахь бүх нам эвслийг оруулсан Засгийн газар байгуулна гэдэгт санал нэгджээ. Энэ тохиолдолд АН-ынхан ч бас дуртай байгаа гэнэ.
“Бид Л.Оюун-Эрдэнийн Засгийн газарт хамтрахаас татгалзсан болохоос МАН-ын Засгийн газарт цаашид ажиллахгүй гэж хэлээгүй” гэсэн байдлаар тэд “Их эвсэлд” нэгдэх бололтой. Харин ХҮН хувьд одоогийн салбар, квотоороо үлдэх сонирхолтой байгаа юм байна. Бусад ИЗНН, Үндэсний эвслээс Б.Батбаатар, Н.Номтойбаяр хоёртой мөн салбараа тохиролцоно. Тэд ялангуяа АН-ынхан “Их эвслийн” Засгийн газарт орвол дараагийн Ерөнхий сайд болох хүн сөрөг хүчний дайралтаас нэг хэсэгтээ айлтгүй ажиллах боломж бүрдэнэ
Сэтгэгдэл (4)