Баярмагнайн Баярбаатар УИХ-д МАН-аас сонгогдсон жагсаалтын 18 гишүүний нэг. Эрх зүйч мэргэжилтэй, Шихихутаг хууль зүйн дээд сургуулийн магистр. Улс төр судлалын докторант.
УИХ-ын гишүүнээр анх удаа сонгогдсон ч УИХ, Төрийн ордон түүний хувьд цоо шинэ орчин биш. 2003 онд Шихихутаг дээд сургуулийг төгсмөгцөө УИХ-ын Аюулгүй байдлын байнгын хорооны дарга Д.Лүндээжанцангийн туслахаар ажлын гараагаа эхэлсэн.
2011 он хүртэл 8 жил УИХ-ын дэд дарга, УИХ-ын даргын шадар туслах, УИХ дахь МАН-ын бүлэгт ахлах референтээр ажилласан туршлагатай нэгэн. Ер нь бол хорь гаруйхан наснаасаа өдий хүртэл улс төрийн ажил хийсэн далд фронтын туршлагатай улстөрч .
Дөнгөж УИХ-ын гишүүн болмогц нь УИХ-ын Ёс зүй, дэгийн байнгын хорооны даргаар сонгож, 126 гишүүний ёс зүйг сахиулах хариуцлагатай албыг хариуцуулсан.
Намдаа сайн танигдсан ч хувь хүн, гэр бүлийн хувьд нууцлагдмал, битүү улстөрч.
Ардын жүжигчин Чаминчулууны бага хүү гэдгээс өөрөөр мэдээлэл бага. Аав Баярмагнай нь МАН-ын төв аппаратад 1995 оноос хойш 20-иод жил бичиг хэргийн эрхлэгч, улс төрийн ахлах ажилтнаар ажилласан МАН- ахмад ажилтан.
Харин эхнэр нь Амгаа зааны охин, Монгол Улсын гавьяат жүжигчин, уртын дууч Ширмэнтуяа. Тэд 2 охин нэг хүүтэй. Том охин нь 2018 оны Азийн мисс Ц.Аззаяа.
Бага хүү Намхай нь Амгаа өвөөгийнхөө удмыг арлын оронд үргэлжлүүлэхээр Японы сүмогийн сургуульд сурдаг мэдээлэл бий.
Урлагийн гэр бүлд өсч хүмүүжсэн ч аавынхаа итгэл үнэмшлийг үргэлжлүүлэн МАН-д 20 гаруй жил зүтгэж ёс зүй, хариуцлагаараа УИХ-ын 126 гишүүнийг манлайлах үүрэг хүлээсэн Б.Баярбаатарыг онцлон фокусаллаа.
