ХӨСҮТ-өөс цаг үеийн асуудлаар мэдээлэл хийлээ.
ХӨСҮТ-ийн нэгжийн дарга Н.Сувдмаа" Өнөөдрийн байдлаар улаанбурхан өвчний батлагдсан тохиолдол 328 болоод байна. Насны бүлгээр авч үзвэл гол төлөв 10-14 насны хүүхдүүд уг өвчнөөр халдварлаад байна. Иймд дархлаажуулалтад хамрагдаагүй бол нөхөн дархлаажуулалтад хамрагдах шаардлагатай. ХӨСҮТ-ын вирус судлалын лаборатори 2025 оны хоёрдугаар сарын 18-ны өдрөөс хойш улаанбурхан өвчлөлд онош тодруулахаар нийт 2,006 сорьцод шинжилгээ хийсэн. Ингэхэд дараах шинж тэмдгүүд илүүтэй ажиглагдаж байна. Үүнд,
Түүнчлэн манай төвөөс улаанбурхан өвчний хавьтал, голомтод хариу арга хэмжээ авахаар ХӨСҮТ-ийн дэд захирлаар ахлуулсан тандалт, эмнэлзүй, лабораторийн мэргэжилтнүүдийн бүрэлдэхүүнтэй мэргэжлийн баг зүүн аймагт Багануур, Хэнтий, Дорнод, Сүхбаатар аймгуудад ажиллахаар гарсан. Өнөөдрийн байдлаар 132 улсад улаанбурхан өвчний тохиолдол бүртгэгдээд байгаа бөгөөд зөөвөрлөгдөх тохиолдол маш өндөр байна. Тухайлбал, Тайланд, Вьетнам, Энэтхэг зэрэг улс эхний аравт бичигдэж байгаа. Иймд эцэг эх, асран хамгаалагч нар хариуцлагатай байж аяллаа зөв төлөвлөхийг зөвлөе. Томуу томуу төст өвчний хувьд тархалтын түвшин улсын хэмжээнд алаг цоог дэгдэлтийн түвшинд шилжээд байна. Гэсэн хэдий ч вирусийн тархалт орчилд идэвхжил өндөр хэвээр байгаа. Иймд амны хаалт зүүж, хувийн ариун цэврийн дэглэмийг сайтар сахих шаардлагатай. Томуу томуу төст өвчнөөр өвчлөгсдийн 76 хувийг 15 насныхан эзэлж буй. Үүнээс 42 хувийг 5 хүртэлх насныхан эзэлж байна.
Улсын хэмжээнд 2025 оны байдлаар менингококкт халдварын батлагдсан дөрвөн тохиол бүртгэгдсэн. Насны хувьд авч үзвэл 3-5 хүртэлх насныхан өвчилсөн байна. Менингококкт халдварын тохиолдол бүх насныханд бүртгэгдэж байгаа ч нийт өвчлөлийн 80- 85 орчим хувь нь 0-4 настай хүүхдийн өвчлөл эзэлдэг. Өвчлөл хоёрдугаар сараас дөрөвдүгээр саруудад харьцангуй өндөр бүртгэгддэг зүй тогтол ажиглагддаг" гэлээ.
