НИТХ дахь АН-ын бүлгээс "Улаанбаатар 2040" уулзалтыг өнөөдөр СТӨ-нд зохион байгуулж, Улаанбаатар хотыг хөгжүүлэх ерөнхий төлөвлөгөө болон энэ оны зургадугаар сарын 01-ээс мөрдөгдөж эхлэх Хот тосгоны эрх зүйн байдлын тухай хуулийн хүрээнд орсон өөрчлөлтүүдийг иргэдэд танилцуулж байна.
Нийслэл хотыг хөгжүүлэх хөгжлийн хөтөлбөрийн хугацаа дууссантай холбогдуулан дараагийн буюу 2040 он хүртэл хөгжлийн ерөнхий төлөвлөгөөг боловсруулж УИХ-д өргөн бариад буй. Тиймээс “Улаанбаатар хот 2040” хөгжлийн ерөнхий төлөвлөгөөг олон нийтэд, тэр дундаа нийслэлийн иргэдэд нээлттэй танилцуулж, мэдээлэл өгөх НИТХ-аас зохион байгуулж буй ажлын нэг хэсэг нь энэ аж.
НИТХ дахь АН-ын бүлэг өмнө нь есөн дүүргийн ИТХ-д АН-аас сонгогдсон төлөөлөгч нарт танилцуулах, мэдээлэл солилцсон бол энэ удаад нийслэл, дүүргийн АН-ын гишүүн сонгогчдоо нээлттэй мэдээлэл өгч байна.
