УИХ-ын гишүүн, Эрүүл мэндийн сайд Т.Мөнхсайхан хүн амын талаас илүү хувь нь суурьшсан Нийслэлийн эрүүл мэндийн байгууллагуудын удирдлагуудтай тухайн байгууллагад тулгамдаж байгаа асуудал, түүний шийдлийн талаар чөлөөт уулзалт хийлээ.
Сайд Т.Мөнхсайхан тус байгууллагуудад тулгамдаж буй асуудлуудыг тооцоо судалгаа, нотолгоонд үндэслэн, хүн амын өсөлт болон бусад хүчин зүйлүүдтэй уялдуулан байгууллагын бүтэц, зохион байгуулалтыг оновчтой болгох замаар шийдвэрлэх боломжтой болохыг онцолж, цаашид энэхүү асуудлыг шийдвэрлэх үйлсэд Сайдын эрхлэх асуудлын хүрээнд манлайлан ажиллахаа илэрхийлэв.
