Netflix-ийн “Our Sticky Love” цувралд тоглосон жүжигчин Ha Young нэвтрүүлэгт орохдоо гэр бүлээрээ дөрвөн үеэрээ эмч гэдгээ ярьжээ. Гэвч элэнц өвөө нь Ahn Sang-ho 1916 онд Японы колоничлолын үед Японы талд урвасан хүн байсан нь ил болж, Солонгосын нийгмийг доргиосон том дуулиан дэгдээжээ.
Агентлаг нь анх “худал” хэмээн няцаасан ч, дахин нягталсны эцэст тухайн бүртгэлд элэнц өвөөгийнх нь нэр үнэхээр байсныг хүлээн зөвшөөрч, олон нийтээс уучлалт гуйжээ.
Тэрээр, "Би нөхцөл байдлыг бүрэн мэдээгүй байсан гэдэг нь шалтаг болж болохгүй. Үүнийг үл тоомсорлох, хөнгөнөөр хандах эрх надад байхгүй. Цаашид гэр бүлийнхээ түүх болон тухайн үеийн түүхийг илүү гүнзгий судалж, тусгаар тогтнолын төлөө тэмцсэн хүмүүс болон эх орныхоо эрх чөлөө, энх тайвны төлөө зүтгэсэн бүх хүмүүст хүндэтгэлтэй хандаж, үүнийг зөвхөн үгээр бус үйлдлээрээ харуулах болно" хэмээн мэдэгджээ.
