Тулгар төрийн 2234, Их Монгол Улсын 819 жил, Үндэсний эрх чөлөө тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмыг тохиолдуулан эрхэлсэн ажил, салбартаа олон жил үр бүтээлтэй ажиллаж онцгой амжилт гаргасан Налайх дүүргийн иргэдийг Монгол Улсын Ерөнхийлөгчийн зарлигаар төрийн дээд одон медалиар шагналаа.
Шагналыг Шадар мсайд С.Амарсайхан, УИХ-ын гишүүн Ц.Сандаг-Очир, Налайх дүүргийн Засаг дарга Д.Наянбаяр, ИТХ-ын дарга Н.Мандуул нарын хамт гардуулан өгч, улс эх орон, түмэн олныхоо төлөөх зориулсан хөдөлмөр зүтгэлд нь хүндэтгэл үзүүлэв.
Хөдөлмөрийн гавьяаны улаан тугийн одон, Алтан гадас одон, Хөдөлмөрийн хүндэт медалиар тус тус шагнагдсан Налайх дүүргийн гавьяатнууддаа Монгол Улсын Засгийн газрын нэрийн өмнөөс болон хувиасаа талархал илэрийлж, амжилт хүсье.
