МАН-ын удирдах зөвлөл хуралдаж байна. Тодруулбал, өнөөдрийн хурлаар шинэ Ерөнхий сайдад нэр дэвших хүнээ тодруулах юм. Энэ талаар МАН-ын УЗ-ын гишүүн Д.Тогтохсүрэн: "Ерөнхий сайдад эдийн засгийн өндөр мэдлэгтэй, улстөрийн хувьд бэлтгэгдсэн хүн байх хэрэгтэй. Дурын хүн болчихдог зүйл биш. Намын дүрмээр бол намын дарга ерөнхий сайд болох ёстой. Энэ удаад намын дарга биш хүн сонгох шаардлага үүсэж байна. Тийм учраас олон талаас нь бодож байгаа болов уу гэж үзэж байна. Түүнээс асуудлаа шийдэж чадахгүй байгаа юм байхгүй.
2019, 2023 оны үндсэн хуулийн өөрчлөлт бол цаашдаа Монголын улстөрийн намууд эвтэй байж, хамтарч эх орноо хөгжүүлэх ёстой гэдэг үндсэн зарчим. Тийм учраас энэ чиглэлээр явах ёстой байсан юм. Одоо бол дангаараа явбал өөр бүтэц байх ёстой. Хамтарвал өөр бүтэц байх ёстой. Дангаараа явах гэж байгаа бол бүтцийг эрс багасгах ёстой. Би бол дараагийнэ засгийн газарт орохгүй. Улстөр гэдэг сонгогдсонг хүний ажил" гэв.
