УИХ-ын чуулганы нэгдсэн хуралдаанаар АТГ-ын дарга З.Дашдавааг улираан томилох асуудлыг хэлэлцэх үеэр УИХ-ын гишүүн Ө.Шижир ХҮН намтай холбоотой ноцтой асуудлыг хөндлөө.
Тодруулбал, "ХҮН нам 2024 оны УИХ-ын ээлжит сонгуулиар 1 тэрбум 95 сая төгрөгийн хандив цуглуулсан. Үүнээс 1 тэрбум 45 сая төгрөгийг нэг компанийн 37 охин компаниас авсан байна.
Улс төрийн намуудын санхүүжилт бол хуульчилсан авлига” гэв. Өөрөөр хэлбэл “М Си Эс” компанийн нөгөө хэл ам дагуулсан “Ухуу худаг” ус хангамж, Армор, “М Си Эс инвестмент” гээд дурдаад байвал 37 компани болчихож байгаа юм. УИХ-д суудалтай нэг нам нийт санхүүжилтийнхээ 98 хувийг нэг компаниас авна гэдэг шууд утгаараа улстөрийн нам биш “М Си Эс”-ийн “нам” болчихож байгааг ХҮН-ийн санхүүжилт баталлаа
Энэ бол хатуухан хэлэхэд төрийн эрхийг хууль бусаар авах гэсэн хуульчилсан хулгай гэдэг нь бараг үнэн болж таарч байна. Монголд үнэхээр “М Си Эс”-гүй юм алга. Ганц ХҮН нам биш УИХ-д сонгогдсон 126 гишүүдэд ч хандив өгсөн нь ил болсон. Зарим нэг нь MCS-ээс авсан зуун хэдэн сая төгрөгийнхөө хандивыг ч мэдээгүй гэж гүлдийж байсан. Харин ХҮН бүхэл бүтэн намын хувьд хаанаас, хэнээс ямар хандив авснаа намын дарга нь биш юм аа гэхэд ядаж хуульчид нь мэдэж байсан байлгүй дээ. Хамгийн боловсролтой, шинэчлэл ярьдаг отгон нам ийм байхаар 30 жилийн түүхтэй АН-ыг шударга, ёс зүйтэй байхыг шаардах ч аргагүй юм даа.
