Татвар төлөгчдийн мөнгөөр "тэжээгдэж" буй төрийн албан хаагчдын тоог цомхон чадварлаг болгоно гэж амладаг.
Атал амьдрал дээр улс төрийн бодлогоор Үндэсний хороо нэртэй байгууллагыг олноор нь байгуулах, төрийн өмчит компаниудад бүтээмж, хяналт хариуцсан менежер гэх өндөр цалин бүхий албан тушаалыг шинээр нэмж улстөрчид болон УИХ-ын экс гишүүдийг томилж эхлээд буй.
Үүнийг "Эрдэнэс Монгол" ХХК-ийн гүйцэтгэх захирал С.Наранцогт нотолж Засгийн газрын шийдвэр нэгэнт гарсан тул төрийн өмчит 8 компанидаа 16 менежер томилно гэдгээ мэдэгдлээ. Гэхдээ сонгон шалгаруулалтаар бус улс төрийн томилгоогоор хийж буй тул түр орлон гүйцэтгэгч нэртэй доод тал нь 5-9 сая төгрөгийн цалинтай "дарга" нартай болж төр данхайж, төсвийн мөнгө уйлсаар байх нь.
