Гончигдоржийн Уянгахишиг УИХ-д ХҮН намаас сонгогдсон жагсаалтын 6 гишүүн нэг нь. УИХ-д 4 удаа сонгогдсон, УИХ-ын дарга асан Раднаасүмбэрэлийн Гончигдоржийн ууган охин. Тэрээр 1978 оны 04.29-нд Улаанбаатарт төрсөн. Үе залгамжилсан 2 дахь үеийн улстөрч. 1998 онд МУИС-ийг, 2002 онд ХБНГУ-ын Боннын их сургуулийг төгссөн. Хууль зүйн ухааны магистр. Орос англи герман хэлтэй. 1999 онд аавынхаа үүсгэн байгуулсан Социал демократ намд элсэж улс төрд анх хөл тавьсан.
2020 онд ХҮН намыг сонгож УИХ-ын сонгуульд Баянзүрх дүүрэгт өрсөлдөж байсан. 1996 онд 18 настайдаа нөхөрт гарч, 3 хүүхдийн ээж болсон. Нөхөр Баясал нь даатгалын брокерийн чиглэлээр ажилладаг. Жагсаалтын 48 гишүүнээс үзэл баримтлал, туршлагатай хуульч гэдгээрээ илт ялгардаг.
УИХ-ын гишүүн болохоосоо өмнө Монголын хуульчдын холбооны гишүүний хувиар Концесс, Банк, Татварын багц хуулийн төслийн Ажлын хэсэгт ажиллаж байсан. УИХ-ын Төрийн байгуулалтын байнгын хороо, Хууль зүйн байнгын хорооны гишүүнээр ажилладаг. Өмгөөллийн тухай хуулийн зарим зүйл заалтад өөрчлөлт оруулах төсөл саяхан өргөн барьсан.
Мөн Монгол Улсад мөрдөгдөж байгаа 5000 гаруй хууль, дүрэм журмын давхардлыг арилгах, цэгцлэх 57 ажлын хэсгийн 12 –т нь ажиллаж буй. Тойргийн сонгогчдыг татах биш Монгол Улс гэсэн нэг тойргийг төлөөлөн намынхаа бодлого, мөрийн хөтөлбөрийг хэрэгжүүлэхийн төлөө ажиллах учраас популизм хийх шаардлагагүй гэсэн байр суурьтай ХҮН намын жагсаалтын 6 гишүүнээс энэ удаад Г.Уянгахишигийг фокусаллаа
