УИХ-ын гишүүн Шадар сайдын үүрэг гүйцэтгэгч С.Амарсайхан өөрийн цахим хуудсандаа ийн нийтэлжээ.
Монголчууд бид байр авахдаа ойрхон сургууль, ажил, боломжийн үнэ л гэж хардаг. Харин барилгын материал нь эрүүл мэндэд аюулгүй эсэхийг шалгасан уу? гэдгийг хэн ч асуудаггүй.
Барилгын материалд ямар химийн бодис, хүнд металл агуулагдаж байгаа талаар өнөөдөр хариуцсан байгууллагууд бүрэн мэдээлэлтэй биш! Физик шинжилгээ хийдэг ч, химийн аюулгүй байдал шалгадаггүй нь бодит үнэн. Үүнээс болж барилгын чанар, эрүүл ахуйн стандарт алдагдсан байна.
Энэ бол зөвхөн барилгын салбарын асуудал биш. Стандартгүй, хяналтгүй бүтээгдэхүүн үйлчилгээ иргэдийн амь нас, эрүүл мэндэд заналхийлж байна.
Тиймээс стандарт, хариуцлагыг хуульчлах шинэчлэл эхэллээ. УИХ-аар “Стандартчилал, техникийн зохицуулалт, тохирлын үнэлгээний итгэмжлэлийн тухай” хуулийн шинэчилсэн найруулгыг хэлэлцэж байна.
Стандарт гэдэг бол зүгээр журам биш, бидний аюулгүй амьдралын баталгаа юм.
