БЗД-ийн 147-р сургуулийн 30 гаруй хүүхэд ЭХЭМҮТ-д хүргэгджээ

Баянзүрх дүүргийн 147 дугаар сургуулийн есдүгээр ангийн сурагч ангидаа нулимс асгаруулагч хий цацсанаас болж, 60 гаруй хүүхэд хордоод байна. Тодруулбал, түргэн тусламжийн 102 тусгай дугаарын утсанд өнөөдөр өдрийн 12:01 цагт нулимс асгаруулагчаас болж хүүхдүүд хордлоо гэх дуудлага мэдээлэл бүртгэгджээ. дуудлагын дагуу эмч, мэргэжилтнүүд очиход насанд хүрсэн 3 хүн, 64 хүүхэд толгой өвдөж, нулимс гоожсон цөөн хүүхэд ухаан алдсан байдалтай байжээ. Насанд хүрсэн 3 хүнийг Цэргийн төв эмнэлэг, 37 хүүхэд ЭХЭМҮТ, 8 хүүхэд БЗДНЭ, 19 хүүхэд МЯСЭ тусламж үзүүлж тээвэрлэн, түргэн тусламжийн 7 баг ажиллаж байгаа юм. Одоогийн байдлаар хүүхдүүдээс эрүүл мэндийн шинжилгээ авч, усанд оруулж хорыг нь гадагшлуулжээ.