Олон улсын гимнастикийн холбооноос Щвейцарийн Лаузанне хотноо 2024 оны 12 дугаар сарын 05-08 -ны өдрүүдэд зохион байгуулагдсан тив хоорондын “Олон улсын шүүгчийн шалгалт”-д Монголын гимнастикийн холбооны техникийн хорооны нарийн бичиг, Азийн гимнастикийн холбооны техникийн хорооны гишүүн Баатаржавын Эрдэнэзаяа хамрагдсан билээ.
Шалгалтын албан ёсны дүн 2024 оны 12 дугаар сарын 11-ний өдөр баталгаажсан бөгөөд Олон улсын гимнастикийн холбооноос Б.Эрдэнэзаяад 2025-2028 оны олимпын XVI циклд Уран сайхны гимнастикийн багийн төрөлд ОУ-ын шүүгчийн 1-р зэрэг, Уран сайхны гимнастикийн ганцаарчилсан төрөлд ОУ-ын шүүгчийн 2-р зэргийг хүртээлээ.
Гимнастикийн ОУ-ын шүүгчийн зэрэг нь 4, 3, 2, 1-р зэргээр эрэмбэлэгддэг болно.
ОУ-ын шүүгчийн шалгалтдаа амжилттай тэнцэж 1, 2-р зэргийг хүртсэн ТУРШЛАГАТАЙ шүүгч Б.Эрдэнэзаяадаа баяр хүргэж цаашдын тэмцээн уралдаанд нь өндөр амжилт хүсье!
