НЭР ДЭВШИГЧИД НЬ 150 САЯ ТӨГРӨГИЙН ДЭНЧИНТЭЙ УЯАЧДЫН ХОЛБОО БИЗНЕСИЙН БАЙГУУЛЛАГА УУ ?

Монголын Морин Спорт, Уяачдын Холбооны Ерөнхийлөгчийн сонгууль удахгүй болох гэж буйтай холбоотойгоор нэр дэвшигчдээсээ 150 сая төгрөгийн дэнчин авч эхэлжээ. Энэ талаар тус холбоог улстөрчдийн савраас аврах зорилгоор нэр дэвшиж буй нэгэн нэр дэвшигч цахим хуудастаа зарлаж дэнчингийн гэх 150 сая төгрөгийг маргааш тушаахаа мэдэгдлээ.  Одоогийн байдлаар 3-4 хүн нэр дэвшихээр бэлтгэж байгаа юм байна. 

БАРИМТ: Улс төрийн сонгуульд нэр дэвшигчиддээ 100 сая төгрөгийн мөнгөний босго тавьж нэр дэвшүүлдэг "бизнесийг" анх АН-ын дарга С.Эрдэнэ 2020 оны УИХ-ын сонгуулиар эхлүүлсэн. Харин одоо холбоод буюу гишүүддээ үйлчилдэг ТББ-ынхан Ерөнхийлөгчийнхөө сонгуульд 150 сая төгрөгийн дэнчин тавьжээ. Өөрөөр хэлбэл энэ холбооны Ерөнхийлөгчид горилсон хүн доод тал нь 150 сая төгрөгийг холбоондоо хандивлах бэл бэнчинтэйгээ батлах нь анхны шалгуур болж байгаа юм байна. Гурвас дөрвөн хүн нэр дэвшинэгэж тооцоход 450-600 сая төгрөгийг зөвхөн нэр дэвшигчдээс хурааж байгаа МСУХ гэж байгууллага ингэхэд юу хийдэг, Ерөнхийлөгч болон Тэргүүлэгч, удирдлагуудад ямар ашигтай байгууллага юм бол? 

ФОКУСЛАВАЛ:  ММСУХ нь Монголын ард түмний дунд олон зуун жилээр уламжилж ирсэн хурдан морины уралдааны хөгжлийн бодлогыг боловсруулан хэрэгжүүлж, уяачдын болон унаач хүүхдийн эрх ашгийг хамгаалах зорилготой,  Монгол Улсын нутаг дэвсгэр дээр болж буй хурдан морины уралдааныг удирдан зохион байгуулж, уялдуулан зохицуулдаг спортын холбоо юм байна. 

1995 оны 5 дугаар сарын 25-нд 19 аймгийн 221 төлөөлөгчтэйгөөр анх энэ холбоог байгуулсан 2025 онд 30 жилийнхээ ойг тэмдэглэнэ. 56 хүн энэ холбооны тэргүүлэгч гишүүнээр  ажилладаг. Удирдлагын баг нь Ерөнхийлөгч, дэд ерөнхийлөгч нар болон Ерөнхий нарийн бичгийн дарга  гэх мэт  дараах 8 хүн ажилладаг юм байна. 

Харин тэргүүлэгч гишүүн гэх улстөрчид, бизнесмэн нарын  56 хүнийг фокуславал, ХХААХҮ-ийн сайд асан Монгол Улсаас Кувейт Улсад суух Онц бөгөөд Бүрэн эрхт Элчин сайдаар Пүрэвийн Сэргэлэнг П.Сэргэлэн , УИХ-ын гишүүн агсан Г.Батхүүгийн хүү Б.Ганхөлөг, Эрчим хүчний сайд асан Т.Энхтайван, Ажнай корпорацийн Д.Давгадорж, Өмнөговь амйгийн Засаг дарга асан Б.Бадраа, УИХ-ын дарга асан М.Энхболдын хүү Э.Анар, АПУ-гийн П.Батсайхан,  УИХ-ын гишүүн Н.Батсүмбэрэл нарын улс төр, бизнесийнхэн голдуу хүмүүс багтдагийг дараах жагсаалтаас харж болно.

Ямартай ч  УИХ-ын сонгуульд нэр дэвшихтэй эн зэрэгцэхүйц үнэлэгдэж байгаа энэ холбоо жирийн нэг уяачдад үйлчдэг биш хэдэн зуун саяар үнэлэгдэх хэмжээний ашиг орлоготой бизнесийн байгууллага  бололтой. 

Ганц Ерөнхийлөгчид нэр дэвшигчийн дэнчин болох   150 сая төгрөг бол   нэг сая 500 мянган төгрөгийн цалинтай жирийн иргэдийн хувьд 8 жилийнх нь цалин. Гэтэл ийм мөнгийг дэнчинд тавиад энэ холбоог хэдхэн жил удирдах өрсөлдөөний цаана  энэ холбоо уяачдын эрх ашгийг хамгаалж, уралдаан зохион байгуулах халхавчин дор ямар наймаа бизнес эрхэлдэг вэ гэсэн хардлага урган гарч байна

 Үргэлжлэл  бий ......