Замын хөдөлгөөний нөхцөл байдал, ачаалалтай түгжрэл ихтэй байгаа замын талаарх мэдээллийг 24 цагийн турш хаанаас ч E-Mongolia системээр дамжуулан харах боломжтой боллоо.
Нийслэлийн замууд болон уулзварт замын хөдөлгөөний эрчим ачааллыг харахын тулд E-Mongolia системд байрлах онцлох үйлчилгээ цэсээс “Авто замын ачаалал” үйлчилгээ рүү орж харна. Улаанбаатар хотын замын хөдөлгөөний мэдээллийг илүү ухаалаг байдлаар танд мэдээлэх бөгөөд явах цэг, хүрэх цэгээ сонгосноор жолооч, зорчигч танд ачаалалтай зам уулзваруудыг мэдээлэх эсвэл тойруу замаар ачаалалгүй явах замыг санал болгох юм. Замын өнгө гүн улаан болох тусмаа ачаалал нь нэмэгдэх бол ногоорох тусмаа ачаалал нь буурна.
