МОНОСЫГ УИХ-ЫН ХЯНАЛТЫН ТҮР ХОРООНЫ ХУРАЛД ГЭРЧЭЭР ДУУДЖЭЭ

УИХ-ын тогтоолоор "Эмийн үнийн өсөлтийн шалтгаан, нөхцөлийг хянан шалгах” түр хороо байгуулагдаж УИХ-ын гишүүн Ж.Чинбүрэн ахалж байгаа. Тус түр хороо нь нийт 5 хянан шалгагч, 6 шинжээчийг томилон ажиллуулж байгаа бөгөөд УИХ-ын хяналт шалгалтын тухай хуульд заасны дагуу Түр хорооны тусгай шалгалтын сэдвийн хүрээнд холбогдох төрийн байгууллага, албан тушаалтнаас нотлох баримтыг цуглуулж, шинжлэн судалж ажилласан. “Эмийн хүртээмж, үнэ, чанарын асуудал” сэдвийн хүрээнд дөрөвдүгээр сарын 15-17-ны өдрүүдэд  нээлттэй сонсгол зохион байгуулахаар товлоод байгаа юм.  Үүнтэй холбоотойгоор ЭМ-ийн сайд, дэд сайд, ТНБД нар,  ЭМДҮЗ-ийн дарга гишүүд болон эмийн салбарт үйл ажиллагаа явуулж байгаа аж ахуйн нэгжийн төлөөлөл зэрэг 40 гаруй хүнийг  гэрчээр дуудан оролцуулахаар болжээ. 

Эмийн зах зээлд 1990 оноос хойш бизнес хийж байгаа "Монос" эмийн сангийн сүлжээг эрхэлж буй  ""Улаанбаатар монос" ХХК-ийн захирал Л.Алтанцогт гэрчээр оролцох юм байна. "Монос" эмийн сан нь нийслэлд 90 гаруй салбартай бөгөөд хөдөө орон нутагт ч мөн салбартай билээ.