Мал эмнэлгийн ерөнхий газраас ямааны годрон өвчний эсрэг авч хэрэгжүүлж буй ажил болон, вакцинжуулалтын талаар мэдээлэл хийлээ. МЭЕГ-ын Мал амьтны эрүүл мэндийн газрын дарга Б.Болдбаатар "Ямааны годрон нь гоц халдварт өвчин.
Энэ халдварт өвчин долоодугаар сард Монголд бүртгэгдсэн. Уг өвчний тархалттай холбоотой 300 орчим малчин өрхөд судалгаа хийж, А дансаар 74 орчим өрхийн 11 мянган ямааг устгалд оруулсан. Зориудаар устгасан малын нөхөн олговрыг тухайн орон нутгийн ханшаар бодож улсын төсвөөс олгоно гэж мал, амьтны эрүүл мэндийн тухай хуульд заасан.
Ямааны годрон өвчин Монгол Улсад хамгийн сүүлд 1952 онд бүртгэгдсэн. Сүүлийн 3-4 жилийн хугацаанд тандалт судалгаа хийхэд тус өвчнийг үүсгэгч илрээгүй. Тиймээс хойш устсан гэж үзсэн учир энэ жил албан ёсоор ямааны годрон үүсгэгч Монгол Улсад байхгүй гэж зарлах гэж байсан.
Гэвч өнгөрсөн зун ийнхүү өвчин бүртгэгдлээ. Голомт Дорноговь аймгийн Хатанбулаг суманд үүссэн. Бэлчээр, ус нэг өрхийг голомт нэг үздэг. Голомтын бүсэд байгаа бүх малыг шинжлэх боломжгүй. Монгол Улс арав гаруй улс руу махны экспорт хийж байна. Малын гоц халдварт өвчинд болгоомжтой хандахгүй бол махны экспорт зогсох эрсдэл үүсэх юм. Тиймээс баримт нотолгоотой мэдээллэхийг олон нийтээс уриалж байна" гэлээ.
