БАРИМТЫГ ФОКУСЛАНА.

Монгол, Орос, Хятад гурван улсын Засгийн Газрын тэргүүн нарын уулзалт боллоо


Монгол Улсын Ерөнхий сайд Л.Оюун-Эрдэнэ Шанхайн хамтын ажиллагааны байгууллагын гишүүн болон ажиглагч орнуудын Засгийн газрын тэргүүн нарын өргөтгөсөн хуралдаанд оролцохоор Исламын Бүгд Найрамдах Пакистан Улсын нийслэл Исламабад хотод ажиллаж байна. Өнөөдөр (2024.10.16) Монгол Улсын Ерөнхий сайд Л.Оюун-Эрдэнэ, ОХУ-ын Засгийн газрын дарга М.Мишустин, БНХАУ-ын Төрийн зөвлөлийн Ерөнхий сайд Ли Чян нар уулзлаа.  


сонин mn

Монгол, Орос, Хятадын Засгийн газрын тэргүүн нарын анхны уулзалтыг ийнхүү зохион байгуулж буй нь талууд гурван талт хамтын ажиллагаанд чухал ач холбогдол өгч буйн илрэл юм. Засгийн газрын тэргүүн нар гурван улсын төрийн тэргүүн нарын тохиролцоог бодит ажил хэрэг болгох, худалдаа, эдийн засгийн хамтын ажиллагааг эрчимжүүлэх, “Эдийн засгийн коридор”-ын томоохон төсөл, хөтөлбөрүүдийг бодитоор хэрэгжүүлэхийн төлөө байгаагаа илэрхийлэв.



сонин mn


Ерөнхий сайд Л.Оюун-Эрдэнэ гурван улсын хамтын ажиллагааг дэд бүтцээр харилцан холбох бүтээн байгуулалтыг бодитоор урагшлуулах, ОХУ-аас БНХАУ руу байгалийн хий нийлүүлэх хоолойг Монгол Улсын нутаг дэвсгэрээр дамжуулан барих төслийг гурван талын хамтын ажиллагааны түвшинд хэрэгжүүлэх, эрчим хүчний реформын хүрээнд гурван тал хамтран ногоон, сэргээгдэх эрчим хүчний эх үүсвэрүүдийг бий болгох төслүүдийг хамтран хэрэгжүүлэх, гурван улсын аялал жуулчлалын жишиг бүс байгуулах, улсын хил дамнасан цахим худалдааны платформыг бий болгох, боловсрол, шинжлэх ухаан, соёл, хүмүүнлэг, гамшигтай тэмцэх зэрэг чиглэлд гурван тал илүү өргөн хүрээнд хамтарч ажиллах зэрэг саналыг дэвшүүлэв. Мөн Монгол Улсын “Талын зам” хөтөлбөр, Евразийн эдийн засгийн холбоо, БНХАУ-ын “Бүс ба Зам” санаачилгыг харилцан уялдуулж, Монгол, Орос, Хятадын Эдийн засгийн коридорыг бүтээн байгуулах ажлыг идэвхтэй урагшлуулахад Монголын тал бэлэн байна. Гурван улсын эдийн засгийн коридор байгуулах хөтөлбөрт хамруулах 33 төслийн жагсаалтыг Монголын холбогдох байгууллагууд тохиролцсон. Энэ жагсаалтын нэгдүгээр заалтад тусгагдсан Замын-Үүд-Алтанбулаг чиглэлийн шинэ төмөр зам барих төслийг эхний ээлжинд хэрэгжүүлэх нь гурван улсын эдийн засгийн коридор үүсгэхэд нэн чухал эхлэл цэг болно гэж үзэж буйгаа Ерөнхий сайд Л.Оюун-Эрдэнэ илэрхийллээ.



сонин mn
ОХУ-ын Засгийн газрын дарга М.Мишустин, БНХАУ-ын Төрийн зөвлөлийн Ерөнхий сайд Ли Чян нар Монгол Улсын Ерөнхий сайд Л.Оюун-Эрдэнийн дэвшүүлсэн саналыг дэмжиж буйгаа илэрхийлэв. БНХАУ-ын Төрийн зөвлөлийн Ерөнхий сайд Ли Чян гурван улсын хамтын ажиллагааг эрчимжүүлэх, хамтран хэрэгжүүлэх төслүүдийг урагшлуулахын төлөө байгаагаа хэллээ. 


сонин mn



Мөн Монгол Улсын Засгийн газрын бодлого тогтвортой байгаа нь хамтын ажиллагааны төслүүд хэрэгжихэд чухал нөлөөтэйг дурдаад гурван улсын хамтын ажиллагааны дунд хугацааны замын зураглал гаргах санал дэвшүүлэв. ОХУ-ын Засгийн газрын дарга М.Мишустин эдийн засгийн коридор байгуулах, ОХУ-аас БНХАУ руу байгалийн хий нийлүүлэх хоолойг Монгол Улсын нутаг дэвсгэрээр дамжуулан барих төслийг Оросын тал дэмжиж буйг хэлээд бодит ажил хэрэг болгоход анхаарахаа онцлон тэмдэглэв. Мөн Монгол Улстай эрчим хүчний төслүүдийг хамтран хэрэгжүүлэхээр ажиллаж байгааг хэллээ.


сонин mn


Энэхүү уулзалтыг тогтмолжуулах нь гурван талын бодит хамтын ажиллагааг идэвхжүүлж, гурван талын стратегийн томоохон төслүүдийг урагшлуулахад чухал ач холбогдолтой төдийгүй бүс нутгийн энх тайван, тогтвортой хөгжил, Ази тивийн нийтлэг эрх ашигт нийцнэ гэдэгт талууд санал нэгдэв. Гурван улсын Засгийн газрын тэргүүн нарын дараагийн уулзалтыг 2025 онд зохион байгуулахаар тохиролцов


0
angry
0
care
0
haha
0
liked
0
love
0
sad
0
wow

Шинэ мэдээ
ОБЕГ: Хээрийн түймрүүдийг бүрэн унтраалаа 20 минутын өмнө
"Нисдэг Сүхжин"-гийн ОУХМ цолыг төрөлх нутгийнхан нь 46 сая төгрөгөөр мялаажээ 1 цагийн өмнө
Улаанбаатарт үүлэрхэг, өглөөгүүр ялимгүй цас орно 1 цагийн өмнө
Тэрсүүд өдөр 1 цагийн өмнө
Дорнодын Халхгол суманд гарсан хээрийн түймрийг унтраахаар ажиллаж байна 16 цагийн өмнө
Энэ онд нийслэлийн хэмжээнд 59.6 км явган замыг шинэчилнэ 17 цагийн өмнө
ЦЕГ: Бага насны хүүхэд ааруул идэж байгаад "хахаж" нас барсан байж болзошгүй 19 цагийн өмнө
Монгол Улсын Ерөнхийлөгчид Чех Улсын Ерөнхий сайд бараалхав 20 цагийн өмнө
Эх орноосоо урвасан гэх З.Санждорж нарт холбогдох хэргийг шүүх хурал дахин хойшиллоо 20 цагийн өмнө
ХӨСҮТ: ​Улаанбурхан өвчний 11 дэх тохиолдол лабораториор батлагдлаа 21 цагийн өмнө
Зорчигчоо гүйцэд буугаагүй байхад нь хөдөлж, унагасан жолоочийг ТЦА-наас шалгаж байна 21 цагийн өмнө
​Өчигдөр улсын хэмжээнд найман бүсэд гал түймэр гарчээ 22 цагийн өмнө
Монгол Улсын Ерөнхийлөгчид Чех Улсын Сенатын танхимын дарга бараалхлаа Өчигдөр
УОК: Шуурхай ажлын хэсэг байгуулагдаж Зүүн бүсийн түймрийн голомтод ажиллана Өчигдөр
Ван И: АНУ цор ганц өөрийгөө нэн тэргүүнд тавьж, зэрлэг араатан шиг бодлого гаргаж байна Өчигдөр
Жүжигчин Ким Сэ Руны үхэлд Ким Сү Хён буруутгагдав Өчигдөр
ӨНӨӨДӨР: "Хиймэл оюуны давалгаанд бэлдэх нь" хэлэлцүүлэг болно Өчигдөр
Хонь, гахай жилтнээ аливаа үйлийг хийхэд эерэг сайн ба бич, тахиа жилтнээ сөрөг Өчигдөр
Улаанбаатарт өдөртөө -3 хэм, цасан шуурга шуурна Өчигдөр
ТАНИЛЦ: Тэтгэвэр, тэтгэмж олгох энэ сарын хуваарь Өчигдөр