НИТХ-ын сонгуульд 45 нэр дэвшигчээс тавхан суудал авсан АН-ын ялагдлын эзэн нь нийслэлийн АН-ын дарга Т.Батцогт байсан. Женкогийн мөнгөөр туйлсан тэрбээр эдүгээ АН-ын ялагдлын бурууг Женкогоос болсон мэт шуугиж байгаад чимээгүйхэн алга ташин ганцаараа НИТХ-ын төлөөлөгч болсон ялалтаа тэмдэглэж буй. Тэрбээр УИХ болон Нийслэлийн ИТХ-ын сонгуулиудад намаа унагаж, багийнхнаа ялагдуулж "ялагдлын ханхүү" болохоо батлан намаараа туг тахисны эсцэст өөрөө арай гэж НИТХ-ын төлөөлөгч болж үлдсэн. Одоо Т.Батцогтыг улс төрийн хариуцлагаа хүлээж нийслэлийн АН-ын даргаа өөрөө өгнө гэж гишүүд нь хүлээж буй.
Үүнтэй зэрэгцээд АН-ыг өнгөрсөн 30 гаруй жилийн түүхэнд анх удаа нийслэлд олонхи болгож Улаанбаатар хотын Засаг даргаар ажиллаж байсан Э.Бат-Үүл өөрийгөө нийслэлийн АН-ын даргад нэр дэвшүүлж байгаагаа твиттерээр зарлажээ. Тэрбээр АН-ын ялагдлын бурууг МАН-ын дарга Л.Оюун-Эрдэнэ, УИХ-д өөрийнх нь намыг төлөөлж буй Х.Баттулга /Женко/ нартай холбож тэдний барьцаанаас АН-аа чөлөөлж, гишүүддээ намын удирдлагаа сонгодог байсан ардчилсан эрхийг эргүүлж олж өгнө гэжээ.
