Тайландын хамгийн залуу ерөнхий сайд шинэ Засгийн газраа шинэчилж, ажлаа эхэлсэн байна. Өдгөө 38 настай Паэтонгтарн Чинаватра нь ерөнхий сайд асан Таксин Чинаватрагийн охин юм. Паэтонгтарнын эвсэлд цэргийн талыг баримтлагч консерваторууд багтдаг бөгөөд тэд түүний эцгийн нөлөөг хадгалж буй.
Паетонгтарн болон танхимын сайд нар Баасан гаригийн орой Тайландын хаан Маха Важиралонгкорны өмнө тангараг өргөжээ. Паетонгтарн тэргүүтэй Таксин Феу Тай намын дэмжигч нар сангийн сайд, гадаад хэргийн сайд гэх мэт засгийн газрын томоохон албан тушаалуудыг авсан байна. Тус улсын армитай нягт холбоотой консерватив Паланг Прачарат нам шинэ ерөнхий сайдаас болж хоёр хуваагджээ. Цэргийн дарга асан Правит Вонгсуваны тэргүүлсэн фракц шинэ засгийн газрын нэг хэсэг биш юм.
Ерөнхий сайд асан Сретта Тависин суудлаасаа буусны дараа Паетонгтарн албан тушаалд томилогдсон. Тайландын Үндсэн хуулийн шүүх өнгөрсөн сард ял авсан Тависин засгийн газарт ажлуулах нь үндсэн хуулийн ёс зүйн хэм хэмжээг зөрчсөн гэж үзжээ. Орон нутгийн хэвлэлүүд энэ шийдвэрийг консерваторуудын дарамт, шахалтхас болсон гэж мэдээлж байна. Паетонгтарн улс орныхоо унтарсан эдийн засгийг сэргээхийн төлөө ажиллана гэж мэдэгдэж байгаа ч сүүлийн үеийн үймээн самууны дараа шинэ ерөнхий сайд улс төрийн тогтвортой байдлыг хангахад бэрхшээлтэй тулгарч байгаа юм.
