Дүрвэгсдийн хүүхдүүдэд заавал боловсрол олгох шинэ хууль Польш улсад хэрэгжиж эхэлж байгаа ч хэчнээн хүүхэд үүнд хамрагдах нь тодорхойгүй байна. 20-80 мянга гэсэн урьдчилсан тооцоолол бий. Оросын түрэмгийллийн эхэн үед гэр бүлийн хамтаар Украиныг орхин гарсан 12 настай Надиа өнгөрсөн жил украин сургуульд цахимаар суралцжээ. Дүрвэгч гэр бүлүүдийн олонх нь ийм шийдэлд хүрсэн.
"Польшийн боловсролын системд бүртгэгдэх хүүхдийн тоо маш тодорхойгүй байна. Үүнийг хянах маш хэцүү. Илүү өргөнөөр харвал Украины хичнээн иргэн Польшид орогнож байгааг бид мэдэхгүй" гэж Иргэний боловсролын төвийн тэргүүн Жедржей Витковский хэлжээ.
Өнгөрсөн хичээлийн жилд 134 мянга орчим украин хүүхэд Польшийн сургуульд суралцсан. Иргэний боловсролын төвийн тооцоолсноор одоогийн байдлаар 20-80 мянган хүүхэд боловсролын системээс гадуур байна.
Гэхдээ Польш улсад суралцаж буй украин хүүхдүүд бараг бүгдээрээ дээрэлхэлтийн асуудалтай тулгардаг гэдгийг "Баттут" төслийн зохион байгуулагч Олеся Колисник хэлжээ. Тус төсөл нь Украины хүүхдүүд болон тэдний эцэг эхчүүдэд шилжилтийн үед нь туслах зорилготой. Мөн хүүхдүүдэд хэлний бэрхшээл тулгардаг. Хомо Фабер гэх ашгийн бус байгууллага польш сургуулиудад сурч эхэлсэн украин хүүхдүүдэд хэлний курс санал болгож эхэлжээ.
