“Чингис хаан” алтадсан хүрэл баримлыг бүтээх ажил 2022 оноос эхэлжээ. Нийт төсөвт өртөг 13.5 тэрбум төгрөг бөгөөд 2024 оны 11 дүгээр сарын 30 өдрийн байдлаар гүйцэтгэлд 13 тэрбумыг зарцуулжээ.
Энэхүү алтадсан баримлын тээвэрлэлт, угсралт, гэрэлтүүлэг, бусад ажлын зардалд 1.5 тэрбум төгрөг төсөвлөсөн бөгөөд гүйцэтгэл 747.4 сая төгрөг юм. Мөн Чингис хаан баримал бүтээсэн тухай сэтгүүлийг Соёл, спорт, аялал жуулчлал, залуучуудын яам, Чингис хаан музейтэй хамтран гаргах аж.
Үүнээс гадна 2024 оны төсөвт Чингис хаан музейд үзэсгэлэн зохион байгуулахад 2.9 тэрбум төгрөг төсөвлөсөн байна. Тодруулбал Монгол банк, Чингис хаан музейтэй байгуулсан “Чингис хаан музейд үзэсгэлэн зохион байгуулахад хамтран ажиллах гэрээ”-ний дагуу Чингис хаан үндэсний музейн есөн давхрын хүндэтгэлийн танхимын засвар, дэглэлтийн ажилд 2.3 тэрбум төгрөгийн төлбөр төлөхөөс 1.6 тэрбум төгрөгийг төлжээ.
Мөн Чингис хааны алтадсан баримлын жижгэрүүлсэн хоёр ширхэг хувилбарыг үйлдвэрлүүлэхээр Итали улсын АртУ хүрэл баримлын үйлдвэртэй гэрээ байгуулан ажиллаж байна.
