Яармагийн шинэ гүүр ашиглалтад орж, өнөөдрөөс зорчих хэсгийн хөдөлгөөнийг Монгол Улсын Ерөнхий сайд Л.Оюун-Эрдэнэ болон нийслэлийн Зсаг дарга Х.Нямбаатарнар нээлээ.
Энэхүү авто зам, гүүрэн байгууламж нь 4 хэсэгтэй бөгөөд өнөөдөр 1-р хэсэг Яармагаас ТЭЦ-IV хүртэлх зам ашиглалтад орж байна. Ирэх жилүүдэд бүтээн байгуулалт үргэлжилж, Яармагаас Хархорин буюу 1-р хорооллын авто замтай шууд холбогдоно. Ингэснээр хамгийн их ачаалалтай байдаг Яармагийн зам болон Сонсголонгийн гүүрний ачаалал 30-40 хувиар буурна.
1992-2021 онд буюу сүүлийн 30 жилд нийслэлд 11.5 их наяд төгрөгийн хөрөнгө оруулалт хийгдэж байсан бол 2028 он хүртэл үүнээс 3 дахин их хөрөнгө оруулалтыг нийслэлд хийх шаардлагатай байна. Энэ хүрээнд нийслэлд ирэх жилүүдэд
✅Өөдөө тэмүүлэх Монгол буюу “Go Mongolia” Ган татлагат гүүр
✅Шинэ их тойруу хурдны авто зам
✅Толгойтоос Амгалан хүртэлх Метроны нэгдүгээр шугам
✅Толгойт, Шархад, Дэнжийн 1000, Дамбадаржаа, Яармаг зэрэг дэд төвүүдийн дэд бүтцийн ажил хийгдэнэ.
Өнөөдрийн ашиглалтад орсон Яармагийн шинэ гүүр нь 391 метр бөгөөд Улаанбаатар хотод баригдсан хамгийн урт гүүр болж буйгаараа онцлогтой. Бүтээн байгуулалтад оролцсон хувийн хэвшил, инженер техникийн ажилтнууддаа баярлалаа.
