Ерөнхий сайд Г.Занданшатар УИХ-ын дарга байхдаа буюу 2024 онд Баянхонгор-Шаргалжуут чиглэлд 54.1 км авто зам тавиулахаар улсын төсөвт 66.4 тэрбум төгрөг суулгасан.
Улмаар Төрийн худалдан авах ажиллагааны газраас 2024 оны тавдугаар сард Баянхонгор-Шаргалжуут чиглэлийн 54.1 км авто замын ажлыг хоёр багц болгож тендер зарласан.
Баянхонгор-Шаргалжуут чиглэлийн 54.1 км авто замын Багц-1 буюу 25 км авто замын 30 тэрбум төгрөгийн тендерт “Бридж бюлдинг” ХХК шалгарсан.
Баянхонгор-Шаргалжуут чиглэлийн 54.1 км авто замын Багц-2 буюу 29.1 км авто замын 36 тэрбум төгрөгийн тендерт өнөөх “Бридж бюлдинг” ХХК болон “Их богд зам” ХХК-ийн түншлэл шалгарсан.
Баянхонгор-Шаргалжуут чиглэлийн 54.1 км авто замын 66.4 тэрбум төгрөгийн тендерийг авсан “Бридж бюлдинг” ХХК-ийг Даваадоржийн Сүхбаатар, Пүрэвээгийн Мөнхзориг эзэмшдэг. Харин “Их богд зам” ХХК-ийг Баянхонгорын Засаг дарга Д.Мөнхсайхан эзэмшдэг.
Тэгвэл “Бридж бюлдинг” ХХК-ийг эзэмшигч Даваадоржийн Сүхбаатар, Пүрэвээгийн Мөнхзориг хоёр нь Ерөнхий сайд Г.Занданшатарын хүү З.Алтангэрэл, Баянхонгорын Засаг дарга Д.Мөнхсайханы охин М.Цэрэнлхам хоёртой “Стар конкрит” ХХК-ийг хамтран эзэмшдэг.
| “Стар конкрит” ХХК
| |
| Г.Занданшатарын хүү З.Алтангэрэл 
| Баянхонгорын Засаг дарга Д.Мөнхсайханы охин М.Цэрэнлхам 
|
|
|
|
Тэгээд болоогүй, Д.Сүхбаатар, П.Мөнхзориг хоёр нь Баянхонгорын Засаг дарга Д.Мөнхсайханы “Их богд зам” ХХК-д ажилладаг байсан.
| П.Мөнхзориг 
|
Д.Мөнхсайхан 2020 онд Баянхонгорын Засаг дарга болохдоо Д.Сүхбаатар, П.Мөнхзориг хоёрын нэр дээр “Бридж бюлдинг” ХХК-ийг байгуулж, улмаар 2021 онд Г.Занданшатарын санаачилсан Баянхонгор аймгийн Эрдэнэцогт сумын шинэчлэлтийн 5.0 тэрбумын тендерийг анх энэ компаниар дамжуулсан авсан. Харин Баянхонгорын Засаг дарга Д.Мөнхсайханы тухайд, төрд ажилласан туршлагагүй түүнийг 2018 онд Г.Занданшатар Баянхонгороос авчирч, “Эрдэнэс Монгол” ХХК-ийн Санхүүгийн газрын захирлаар хоёр жил ажиллуулаад, 2020 онд Баянхонгорын Засаг дарга болгосон. Нэгтгэвэл, Г.Занданшатар өөрийн санаачилсан Баянхонгор-Шаргалжуут чиглэлийн 54.1 км авто замын 66.4 тэрбум төгрөгийг өөрөө авсан байна.
