Анх түүний хүчирхийллийн хэргийн асуудлаар хадам аав нь Сүхбаатар дүүргийн Засаг даргад хандаж гомдол өгч байсан аж. Мөн Нийслэлийн Иргэдийн хурлын төлөөлөгчдийн ажлын албанд хандаж, гомдол гаргаж байжээ. Улмаар цагдаагийн байгууллагад хандсан байна.
Тус гомдолд Б.Эрдэнэсүх гэгч нь гэр бүлийнхээ гишүүдийг зодож, доромжилж, гэр бүлийн хүчирхийлэл үйлдсэн талаар ноцтой зүйлсийг дурдсан байжээ. Тус хэргийг Хан-Уул дүүргийн цагдаагийн нэгдүгээр хэлтэст шалгаж байна.
Хэрэв Б.Эрдэнэсүхэд Эрүүгийн хэрэг үүсгэвэл НИТХ-ын төлөөлөгчийн албан тушаалаас нь эргүүлэн татах нөхцөл ч үүсэж болзошгүй юм.
“Дээрэлхэл дэлгэрэх ёсгүй” гэх аяны үеэр өөрийн цахим хуудсаараа попорч байсан тэрбээр гэр бүл дотроо дээрэлхэлтийг харин ч нэг үзүүлдэг нэгэн байжээ. Тэрээр өөрийн эхнэр О.Нарангаравыг 22 жилийн турш яргалж, тамлаж, гэр бүлийн хүчирхийлэлд байлгасныг харуулсан ЯРГАЧИН гэх нэвтрүүлэг гарч, эхнэр нь шүгэл үлээжээ.
