Бүлэглэн хүн зодож ноцтой гэмтэл учруулсан гэх Ц.Баатарсайханы хүү Б.Амарсайхан нь 2025 оны долоодугаар сарын 18-19 нд шилжих шөнө бусдын биед халдаж ноцтой гэмтэл учруулсан хэрэгт шалгагдаж эхэлсэн. Гэтэл баривчлан хоригдохоосоо өмнө эрүүл мэндийн гэх шалтгаанаар хэрэг гарсны маргааш нь хилээр гарч зугатсан билээ. Тэрбээр долоодугаар сарын 27-нд ирнэ хэмээн хил гарсан ч буцаж ирээгүй байна. Тэрбээр аавынхаа хувьцаа эзэмшдэг "Говь" ХХК-ийн гүйцэтгэх захирлаар ажилладаг бөгөөд түүний гэр бүлийнхэн "Таванбогд" групп, ХААН банк зэргийг эзэмшдэг билээ.
