Зэвсэгт хүчний 014 дүгээр ангийг түшиглэн явагдаж буй “Оюутан цэрэг-2025” цэргийн мэргэжил олгох сургалтын байлдагч Лхагвадоржийн Чинзориг нь Америкийн Нэгдсэн Улсын Drexel University-д суралцах эрх авсан баяртай мэдээ ирлээ. Тэрээр сургалтад хамрагдах явцдаа АНУ-ын Элчин сайдын яаманд ярилцлага өгсөн бөгөөд түүнд тэнцсэн гэсэн мэдээг өнөөдөр ирүүлсэн юм.
Байлдагч Л.Чинзориг нь Санхүү эдийн засгийн Их сургуулийн хоёрдугаар дамжаанд суралцдаг ба цэргийн алба хаах хугацаандаа ийнхүү гадаадын нэр хүндтэй их сургуульд суралцахаар шалгарлаа.
