Тулгар төрийн 2234 жил, Их Монгол улсын 819 жил, Үндэсний эрх чөлөө, тусгаар тогтнолоо сэргээн мандуулсны 114 жил, Ардын хувьсгалын 104 жилийн ой, Ардчилсан хувьсгалын 35 жилийн ойн Үндэсний их баяр наадмын хурдан соёолонгийн уралдааныг Монгол Улсын Их Хурлын дарга Д.Амарбаясгалан үзэж сонирхлоо.
Соёолонгийн уралдаанд Ховд аймгийн Мянгад сумын уугуул, Монгол Улсын манлай уяач З.Мэндсайханы хул үрээ түрүүлж, төрийн наадамд торгон жолоогоо мандуулсан юм.
Үргэлжлүүлэн Улсын Их Хурлын дарга Их насны морьдын уралдааны түрүү магнай Сүхбаатар аймгийн Баруун-Урт сумын уяач Лхагвадоржийн Анхбаатарын галаар зочлов. Тэрбээр түрүү их насны галын нийт уяачдад баяр хүргэж, наадамчин олонтой мэндчилэв хэмээн УИХ-ын Хэвлэл мэдээллийн газраас мэдээллээ.
