Young Mo’G болон Э.Мичид нарын зураг цахим орчинд шуугиан тарьж, дуучин тайлбар хийв.
Сүүлийн өдрүүдэд цахим орчинд дуучин Young Mo’G болон “Тэнгисийн эрэг дээрх 24/7” шоу нэвтрүүлгийн оролцогч Э.Мичид нарын хамт авхуулсан зураг олны анхаарлыг татаж, нэлээдгүй шүүмжлэл дагуулаад байна. Тус зурагт “Дуучин Young Mo’G шинэхэн төрсөн эхнэрээ орхиж, Э.Мичидтэй харилцаа тогтоосон” гэх агуулгатай тайлбар хавсаргаснаар шуугиан улам хүчтэй өрнөсөн юм.
Эл асуудалтай холбогдуулан дуучин Young Mo’G өөрийн байр суурийг илэрхийлжээ. Тэрбээр, “Энэхүү зураг нь миний шинэ уран бүтээлтэй холбоотой. Би хайрт эхнэртээ зориулан шинэ дуу бүтээж, түүний дүрд Э.Мичид тоглосон юм. Зураг авалтын үеэр хамтдаа зураг авахуулан нийтэлсэн нь зориудын алхам байсан. Үүгээрээ би улс төрчдийн ашигладаг бохир маркетинг хэрхэн ажилладагийг харуулахыг хүссэн. Ганцхан зураг, ямар ч тайлбаргүйгээр хэчнээн нөлөө үзүүлж, хүмүүсийн хандлагыг өөрчилж болохыг энэ явдал харууллаа. Энэ бол ёс суртахууны доройтол. Харин дууны клип өнөө орой олон нийтэд хүрэх болно” хэмээжээ.
