БАРИМТЫГ ФОКУСЛАНА.

“Монгол дархан: Өв, урлахуй” үзэсгэлэнгийн шилдгүүд тодорлоо

С.Жамъяаннацаг
5 цагийн өмнө

Монгол Улсын Ерөнхийлөгч Ухнаагийн Хүрэлсүхийн ивээл дор Өндөр гэгээн Занабазарын мэндэлсний 390 жилийн ойг тохиолдуулан “Монгол дархан: Өв, урлахуй” тусгай үзэсгэлэн “Чингис хаан” үндэсний музейд нээлтээ хийлээ.  

Үзэсгэлэн нь монгол  дархны уламжлалт өв, соёлыг хадгалан хамгаалах, судлан шинжлэх, нийтэд сурталчлан таниулах, түгээн дэлгэрүүлэх, соёлын биет бус өвийг өвлөн уламжлагч ахмад дархчуудыг дэмжих, тэдний мэдлэг ухааныг хойч үедээ өвлүүлэн уламжлуулах зорилготой юм.

Монгол Улсын Ерөнхийлөгч У.Хүрэлсүх тусгай үзэсгэлэнг нээж үг хэллээ.

Тэр бээр, монгол төр хүчирхэгжин мандаж, Монгол хэмээх нэрийг тамгалан үлдээхэд монгол дархан, урлаачид онцгой үүрэг гүйцэтгэснийг тэмдэглэлээ.

Ялангуяа төрт ёсны уламжлал, түүх, соёл, бэлгэдэл, ард түмний ахуй амьдрал, зан заншил, шашин шүтлэг гээд  нийгмийн үнэт зүйлсийг нэг дор хураан цогцлоодог, дахин давтагдашгүй урлаг, соёлын хосгүй өв гэдгийг онцоллоо.

Мөн өвөг дээдсийнхээ уран дархны ухааныг өвлөж, үр хойчдоо уламжлуулан, улс орныхоо түүх, өв соёлыг бүтээж байгаа дархад, урлаачдад сайн сайхныг хүсэж, үйл нь уран, хараа хурц, дөш нь дуутай байхын ерөөл дэвшүүллээ.

Тусгай үзэсгэлэнд 60 уран бүтээлч 138 шилмэл, сор бүтээлээ дэлгэснээс   ардын урлал, шашны урлал, чимэглэлийн урлал, чөлөөт уран бүтээл гэсэн дөрвөн төрлөөр шилдэг 20 бүтээлийг шалгарууллаа.  

Шилдгийн шилдэг дөрвөн бүтээлийн шагналыг Ерөнхийлөгч У.Хүрэлсүх гардууллаа.

  • Хүрэл цутгуурт алтан шармал “Цагаан дарь эх” – “Занабазарын хийц” төрийн бус байгууллага,
  • “Мөнгөн цар аяга” – Уран дархан Б.Баярсайхан,
  • Луун сийлбэртэй, алтан шармал “Ган хэт хутга” – Уран дархан Н.Бат-Эрдэнэ,
  • “Хүннү эмээл” – “Мөнгөн талст” урлангийн бүтээл шилдгийн шилдгээр шалгарлаа.

Ерөнхийлөгчийн Тамгын газрын даргын өргөмжлөлийг Соёл, спорт, аялал жуулчлал, залуучуудын сайд Ч.Ундрам шилдэг 16 бүтээлд гардууллаа.

Энэ удаагийн үзэсгэлэнд ОХУ-ын Бүгд Найрамдах Буриад Улс, БНХАУ-ын ӨМӨЗО-ы дархан, урчууд оролцож байна.

Үзэсгэлэнг Монгол Улсын Ерөнхийлөгчийн Тамгын газар, Соёл, спорт, аялал жуулчлал, залуучуудын яам, “Түмэн эрдэнэс” нэгдсэн холбоо,  “Чингис хаан” үндэсний музей, Монголын үндэсний музей, Занабазарын нэрэмжит Дүрслэх урлагийн музей, Монголын Урчуудын эвлэл хамтран зохион байгуулж байна.

“Чингис хаан” үндэсний музей “Монгол дархан: Өв, урлахуй тусгай үзэсгэлэнг 2025.07.04-20-ны өдрүүдэд нийтэд толилуулна.

Монгол дархны урлагийг дэмжих тухай Ерөнхийлөгчийн зарлиг 2016 онд гарч,  “Монгол дархан” үзэсгэлэнг гурван жил тутам зохиож байгаа юм.


0
angry
0
care
0
haha
0
liked
1
love
0
sad
0
wow

Шинэ мэдээ
"Монгол дархан: өв, урлахуй" тусгай үзэсгэлэнд 60 уран бүтээлч 130 гаруй бүтээлээ дэлгэлээ 3 цагийн өмнө
ШИНЭ ХОРШОО ХӨДӨЛГӨӨН”-ий хүрээнд хоршоо байгуулж, зээл авсан иргэд, малчид зээлийн эргэн төлөлтөө хийж эхэллээ 3 цагийн өмнө
Ус, цаг уурын гаралтай аюулт үзэгдлийн 41.3 хувийг аадар бороо, үер эзэлж байна 3 цагийн өмнө
НИЙСЛЭЛИЙН ИТХ-ын ЗӨВЛӨЛИЙН ХУРАЛ БОЛЖ БАЙНА 4 цагийн өмнө
ИРЭХ 7 ХОНОГТ ЦАХИЛГААН ХЯЗГААРЛАХ БАЙРШЛУУД 4 цагийн өмнө
“Playtime” наадмын үеэр хар тамхи хэрэглэсэн байж болзошгүй асуудал гарлаа 5 цагийн өмнө
Толгойтын хөл бөмбөгийн талбай бүхий спорт цогцолборын барилга угсралтын ажил 75 хувьтай үргэлжилж байна 5 цагийн өмнө
“Монгол дархан: Өв, урлахуй” үзэсгэлэнгийн шилдгүүд тодорлоо 5 цагийн өмнө
Б.Бат-Эрдэнэ: Т.Доржханд сайд П.Наранбаярыг өмөөрч ЗГ-аас гарна гэж байвал энэ нь шантааж гэсэн үг 6 цагийн өмнө
Н.Мөнхнасан: Энэ жил манайх ТОП 100 аж ахуйн нэгжийн жагсаалтад орсонгүй анх удаа завсарлаж үзлээ 6 цагийн өмнө
Сэлбэ хотын орон сууцжуулах төслийн шинэчилсэн таван багц тендерийг зарлалаа 6 цагийн өмнө
Түгээмэл тархацтай ашигт малтмалын тухай хуульд нэмэлт, өөрчлөлт оруулах тухай хуулийн төсөл өргөн мэдүүллээ 7 цагийн өмнө
Шагналын ялгаварлалт уу? улстөржилт үү? 8 цагийн өмнө
Багшийн дээдийн уулзвараас Бөхийн өргөө хүртэлх замыг хааж, шинэчилнэ 8 цагийн өмнө
Ерөө голд 41 настай эрэгтэй живж амиа алджээ 8 цагийн өмнө
Өчигдөр “Үл таних этгээд дүүг минь зөрж өнгөрөхдөө хутгалсан байна” гэх мэдээлэл бүртгэгджээ 9 цагийн өмнө
Ажлын хэсгийн бүрэлдэхүүн бэлтгэл, бэлэн байдлыг шалгаж, мэргэжил, аргазүйн зөвлөгөө өгч ажиллаж байна 9 цагийн өмнө
ӨНӨӨДӨР: "Монгол дархан: Өв урлахуй" тусгай үзэсгэлэнг нээнэ 11 цагийн өмнө
"Ливерпүүл"-ийн довтлогч Диогу Жота ослоор амиа алджээ Өчигдөр
Элчин сайдын яам, дипломат төлөөлөгчийн газрын байр, түүний ойр орчимд дрон нисгэхийг хориглоно Өчигдөр