Монгол Улсад анх удаа сагсан бөмбөгийн 3x3 төрлийн насанд хүрэгчдийн дэлхийн аварга шалгаруулах тэмцээн болж, монголчууд түүхэн ялалттайгаар дуусгасан билээ.
Тэгвэл Монгол Улсын Ерөнхийлөгч У.Хүрэлсүх маргааш (2025.07.02) медаль хүртсэн шигшээ багийн тамирчдад Төрийн одон, медаль гардуулахаар боллоо. Тодруулбал, ДАШТ-ий мөнгөн медальт О.Хулан, Б.Ариунцэцэг, Н.Нандинхүсэл, М.Цэрэнлхам нарыг Монгол Улсын гавьяат тамирчин цол тэмдгээр шагнахаар болжээ.
Эх орныхоо талбайд шилдэг тоглолтуудыг үзүүлж, олимп, дэлхийн аварга БНХАУ, АНУ, Герман, Польш зэрэг чансаа өндөр багуудыг хожсон Монгол Улсын эмэгтэй баг анх удаа дэлхийн медальтан болсон амжилтыг үзүүлсэн. Энэ нь багийн спортын түүхэн дэх анхны дэлхийн медаль билээ.
