Нийслэлийн Засаг даргын Тамгын газраас 2025 оны зургаадугаар сарын 06-ны өдөр зохион байгуулсан "Дулааны тавдугаар цахилгаан станц (ДЦС-5)" төслийн хувийн хэвшлийн түншлэгчийг сонгох сонгон шалгаруулалтын баримт бичгийн танилцуулга хэлэлцүүлгийн үеэр оролцогч талуудын саналыг харгалзан, сонгон шалгаруулалтын урилгад өөрчлөлт оруулсныг үүгээр мэдэгдэж байна.
2025 оны 05 дугаар сарын 26-ны өдрийн урилгад тусгагдсан “сонирхсон хувийн хэвшлийн түншлэгч нь хүрэн нүүрсээр галладаг дулааны цахилгаан станцыг сүүлийн 5 жилийн хугацаанд доод тал нь нэг удаа барьсан туршлагатай байх бөгөөд Төр, хувийн түншлэлийн тухай хуулийн 27 дугаар зүйлд заасан шаардлагыг хангасан байна. Уг шаардлага нь түншлэлийн гишүүн бүрт хамаарна” гэсэн шаардлагыг хасаж, “төслийг хэрэгжүүлэх санхүүгийн чадавх, удирдлага, мэргэжлийн хүний нөөц, техник, технологийн чадамж, ажлын туршлагатай байх” гэж өөрчилсөн болно.
Урьдчилсан шалгаруулалтын баримт бичигт өөрчлөлт орсонтой холбогдуулан Засгийн газрын 2024 оны 210 дугаар тогтоолын хоёрдугаар хавсралтаар батлагдсан "Хувийн хэвшлийн түншлэгч болон зөвлөх үйлчилгээг сонгон шалгаруулах журам"-ын 3.5 дахь хэсэгт заасны дагуу санал хүлээн авах эцсийн хугацааг ажлын 5 өдрөөр сунгаж, 2025 оны 07 дугаар сарын 02-ны өдрийн 10.00 цагаас өмнө болгож өөрчилснийг үүгээр мэдэгдэж байна.
