Сонгинохайрхан дүүргийн 32 дугаар хорооны "Баянгол" дэлгүүрийн урд трансформатор шатаж байна гэсэн дуудлага өнөөдөр буюу 2025 оны тавдугаар сарын 19-ний 13:51 цагт ирсэн. Дуудлагын дагуу Баянгол дүүргийн Онцгой байдлын хэлтсийн Гал түймэр унтраах, аврах 18 дугаар анги, СХД-ийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид ажиллаж байна.
Алба хаагчдыг очиход их хэмжээний хураалттай цахилгааны тоолуур, таван автомашин бүрэн шатаж, нэг автомашин хайрагдаж, есөн мотоцикл шатаж байсан бөгөөд галын тархалтыг 14:50 цагт зогсоож, бүрэн унтраахаар ажиллаж байна гэж ОБЕГ-аас мэдээлэв.
