Монгол Улсын Төрийн албаны зөвлөлийн 2025 оны ээлжит анхдугаар хуралдаан 2025 оны нэгдүгээр сарын 08-ны өдөр болж, дараах асуудлыг хэлэлцэн шийдвэрлэлээ.
Батлан хамгаалах яамны дэргэдэх Төрийн албаны салбар зөвлөлийн бүрэлдэхүүнд өөрчлөлт оруулав.
Төрийн улс төрийн албан тушаалд ажилласан хугацааг Төрийн захиргааны албан тушаалын зохих ангилалд ажилласан хугацаанд дүйцүүлэн тооцуулахаар ирүүлсэн иргэдийн хүсэлтийг хэлэлцэж, баталгаажууллаа.
Төрийн албаны зөвлөлөөс 2024 онд төрийн жинхэнэ албан хаагчийг сонгон шалгаруулж, томилох үйл ажиллагаанд хийсэн хяналт, шалгалтын дүн хэрэгжилтийн талаарх танилцуулгыг хэлэлцэж, баталгаажуулав. 2024 онд хийсэн хяналт, шалгалтын хүрээнд Төрийн албаны тухай хууль тогтоомж зөрчиж, төрийн жинхэнэ албан тушаалд томилсныг тогтоосон, Зөвлөлийн хугацаатай үүрэг даалгаврын хэрэгжилтийг хангаагүй, 43 иргэн, албан хаагчид холбогдох томилгооны шийдвэрийг Зөвлөлийн хуралдаанаар хэлэлцэж хүчингүй болголоо.
