Азийн хөгжлийн банкны зээлийн санхүүжилтээр хэрэгжүүлэхээр төлөвлөсөн Тусгай замын автобус BRT төсөл нь хоёр үе шаттай хэрэгжинэ. Төслийн нэгдүгээр хэсгийг 2024-2027 онд хэрэгжүүлэх бөгөөд нийт 12 км урт зам дагуу 17 зогсоолтой байхаар төлөвлөжээ.
АХБ-ны тээврийн ахлах мэргэжилтэн Николлас Дэй Кастеллигээр ахлуулсан ажлын хэсэг ТЭЗҮ боловсруулах ажлын явц, чиглэл, судалгааны талаар санал солилцохоор өнөөдрөөс эхлэн дөрөв хоногийн хугацаатай хуралдах юм. Ажлын хэсэгт Азийн хөгжлийн банк, Зөвлөх үйлчилгээ үзүүлж буй “Far east Mobility” компани, НЗДТГ, Улаанбаатар хотын Захирагчийн ажлын алба, Нийтийн тээврийн бодлогын газар болон “Нийслэл Улаанбаатар хотын авто замын түгжрэлийг бууруулах НТХН”-ийн мэргэжилтнүүд багтаж буй.
