Монгол Улс-ОХУ-ын Засгийн газар хоорондын комиссын 26 дугаар хуралдаан Москва хотноо амжилттай болж өндөрлөлөө. Энэхүү комиссын Монголын хэсгийн дарга, Шадар сайд С.Амарсайхан, ОХУ-ын Байгалийн нөөц, экологийн сайд, комиссын Оросын хэсгийн дарга А.А.Козловтой өргөтгөсөн хэлэлцээ хийж, хоёр улсын харилцааны өргөн хүрээний асуудлуудыг хэлэлцэн, харилцан тохиролцоонд хүрсэн.
Хоёр орны Засгийн газар хоорондын комиссын 26 дугаар хуралдааны бүрэлдэхүүнд Үндэсний Итгэмжлэлийн төвийн дарга С.Ням-Эрдэнэ холбогдох албан хаагчдын хамтаар ажилласан бөгөөд хил дамнасан Итгэмжлэлийн асуудал, тохирлын үнэлгээний үр дүнг харилцан хүлээн зөвшөөрөх, худалдаан дахь техникийн саад тотгорыг бууруулах зэрэг тохирлын үнэлгээний итгэмжлэл тойрсон асуудлуудаар ОХУ-ын Итгэмжлэлийн байгууллагын дарга, холбогдох албан хаагчидтай өргөтгөсөн уулзалт хийлээ.
Уулзалтын төгсгөлд хоёр орны Итгэмжлэлийн байгууллагууд хамтран ажиллах, харилцан мэдээлэл солилцох, туршлага судлах, хамтын ажиллагааг өргөжүүлэхээр Протоколд гарын үсэг зурлаа.
Хоёр орны худалдаан дахь техникийн саад тотгорыг багасгах асуудлыг шийдвэрлэхэд Итгэмжлэлийн байгууллагуудын хамтын ажиллагаа маш чухал үүрэгтэй юм.
