Мичиганы шүүгч өөрийг үл хүндэтгэсэн, хараал хэлсэн шүүгдэгчид оноогдсон ял дээр нь 558 хоног нэмжээ.
Шүүгдэгч хуралдааны үеэр “Миний ө…-ийг үнс” болон “F…” хэмээн удаа дараа хэлсэн нь Ваштенав мужийн шүүгч Седрик Симпсоны эгдүүг хүргэж түүнийг үл хүндэтгэн хэлсэн хараал бүрийг нь 93 хоногоор тооцож, нийт 558 хоног хорих ялыг нэмжээ.
Яллагдагч тус шүүгчийг бухимдуулж буй анхны тохиолдол энэ биш юм. Өнгөрөгч тавдугаар сард өөр нэг яллагдагч Симпсоны уурыг барж байх үеийн бичлэг байдаг. Яллагдагч шүүх хуралдаанд zoom-ээр буюу цахимаар холбогдсон ба тэрбээр жолооны үнэмлэхээ хасуулсан хэргийнхээ шүүх хуралд оролцож байхдаа жолооны ард сууж байгаа нь дэлгэцэд гарсан нь олны инээдийг хүргэж, анхаарлыг татсан юм.
Тэр бичлэгт шүүгч Симпсон "Би ойлгохгүй байна. Бид таны жолооны эрхийг түдгэлзүүлсэн хэргийг чинь шүүж байхад та одоо зүгээр л жолоо бариад явж байгаа юм уу” хэмээж байв. Мэдээж шүүгдэгч үг өчиггүй мөн л ялаа нэмүүлсэн юм.
