Өнгөрсөн даваа гарагт НИТХ-ын ээлжит бус II хуралдаан болж, хотын дарга Х.Нямбаатар ирэх оны төсвийн төслөө танилцуулсан. Улмаар өчигдөр /2024.12.03/ НИТХ дахь намын бүлгүүд хуралдаж, төсвийн асуудлаа хэлэлцсэн юм.
Тэгвэл өнөөдөр /2024.12.04/ 10.00 цагт НИТХ хуралдахаар товлосон юм. Өнөөдрийн хуралдаанаар нийслэлийн 2025 оны төсвийн төслийг хэлэлцэн батлах юм.
Ирэх оны нийслэлийн төсвөөс анхаарал татаж буй зүйлсийн нэг нь автомашин болон авто замын татварыг нэмэгдүүлэх юм. Тодруулбал, татварыг 3-5 дахин нэмэгдүүлж, нийслэлийн төсөвт 155.5 тэрбум төгрөг төвлөрүүлэхээр тусгажээ.
