Албани Улсын Тирана хотноо чөлөөт, сонгомол бөхийн олимпын бус жингийн дэлхийн аварга шалгаруулах тэмцээн болж өндөрлөлөө. Манай улсаас эрэгтэйчүүдийн 61 кг-ын жинд өрсөлдсөн Чөлөөт бөхийн Үндэсний шигшээ баг, зэвсэгт хүчний “Алдар” спорт хорооны тамирчин, ОУХМ Цэвээнсүрэнгийн Цогбадрах амжилттай барилдаж хүрэл медаль хүртлээ.
ДАШТ-ий 61 кг-ын жингийн алтан медалийг Масаносукэ Оно (Япон), мөнгөн медалийг Ахмет Думан (Турк), хүрэл медалийг Цэвээнсүрэнгийн Цогбадрах (Монгол), Виталий Оружев (АНУ) нар тус тус хүртэв. Ийнхүү Монгол Улсын шигшээ баг тамирчид ДАШТ-ийг нэг мөнгө, нэг хүрэл медаль хүртсэн амжилттайгаар өндөрлүүлж байна.
