“Эрдэнэт үйлдвэр” ТӨҮГ-ын ҮЭ-ийн хороо болон уурхайчдын төлөөллөөс өнөөдөр мэдэгдэл хийв. Тус үйлдвэр Төрийн өмчийн бодлого зохицуулалтын газар, Эрдэс баялаг аж үйлдвэрийн яам, “Эрдэнэс монгол” ХХК гэсэн гурван толгойтой болжээ. “Эрдэнэс монгол” ХХК-ийн доор төрийн өмчийн 17 үйлдвэрийг нэгтгэснийг тэд эсэргүүцлээ. Ингэснээр улсын төсөвт орж болох 750 тэрбум төгрөг “Эрдэнэс монгол” ХХК-д орж тансаг хэрэглээнд нь зарцуулагддаг байна.
Эрдэнэт үйлдвэр л гэхэд жилд 90 тэрбум төгрөгийг “Эрдэнэс монгол ХХК”-д менежментийн зардал нэрээр өгдөг.
Тэр бүү хэл “Эрдэнэс монгол” ХХК-ийн эрх бүхий албан тушаалтнуудыг тушаал дэвшиж явсных нь төлөө мөнгөн тэтгэмж олгодгийг ҮЭ-ийн хорооныхон тоо баримттай хэлэв. Уурхайчдын хөлс хөдөлмөрөөр олсон 750 тэрбум төгрөгийг албан тушаалтнуудыг тушаал дэвшиж явсных нь төлөө шагнахын оронд багш эмч нарын цалинд өгөхөд хангалттай байсныг тэд онцоллоо. Ерөнхийдөө төрийн өмчид үйлдвэрийн газрын толгойд ХХК-ийг эзэн суулгаснаар энэ үйлдэл нь намд үйлчилсэн хүмүүсийн оргонуулдаг газар, уурхайчдын хөлс хөдөлмөрөөр олсон мөнгийг тэдэнд цалин нэрээр өгч буй тэтгэмж болсонд Үйлдвэрчний эвлэлийн хорооноос шүүмжилж, Засгийн газарт шийдвэрээ эргэж харахыг хүслээ.
Сэтгэгдэл (1)