Иргэд нь ч, Иргэдийн хурлын төлөөлөгч нар нь огцруулаад ч явдаггүй албан тушаалтнууд нийслэлд бий. Тэдний нэг болох НИТХ-д дахин нэр дэвшээд байгаа Баянголд дүүргийн Засаг дарга Ө.Сумьяабаатарыг фокуслав
Сумьяабазар, Сумьяабаатар гээд ах дүү 2 шиг адилхан нэртэй 2 дарга нийслэлд нэг хэсэг хамт ажилласан. Нэг нь Баянгол дүүргийн Засаг дарга, нөгөөх нь нийслэлийн Засаг дарга. Баянгол дүүргийн ИТХ нь байсхийгээд хуралдаж Засаг дарга Ө.Сумьяабаатараа огцруулна. Нийслэлийн Засаг бөгөөд нийслэлийн МАН-ын хорооны дарга асан Д.Сумьяабазар нь хамгаалаад үлдэнэ.
2022 оны 03-р сарын 25-ны өдөр. Ө.Сумьяабаатарыг албан тушаалын байдлаа урвуулан ашиглаж, удаа дараа хууль бус үйлдэл хийсэн хэмээн Баянгол дүүргийн ИТХ огцруулах санал гаргаж нийт 40 төлөөлөгчийн 29 нь дэмжсэн байдаг. Уг шийдвэрээ Нийслэлийн Засаг дарга Д.Сумъяабазарт илгээсэн боловч Ардчилсан намынхантай нийлж Баянгол дүүргийн Засаг даргыг огцруулсан шийдвэрийг хүлээж авах боломжгүй гэдэг хариу өгөөд буцаасан. Д.Сумьяабаатар Засаг даргаараа үлдсэн.
2023.03 дугаар сарын 29. Энэ явдлаас хойш жилийн дараа.
Баянгол дүүргийн иргэдийн Төлөөлөгчид бас дахин хуралдаж Засаг дарга Ө.Сумьяабаатарыг огцруулахыг бас л олонхиороо дэмжсэн байдаг. Гэтэл Ө.Сумьяабаатар огцроогүй төдийгүй өнөөдрийг хүртэл Баянгол дүүргээ засаглахаас гадна дахин улирахаар НИТХ-д МАН-аас нэр дэвшжээ. Баянгол дүүрэг өмнө нь АН-ын С.Эрдэнийн ВАНТ УЛС хэмээн нэрлэгддэг байлаа. Одоо МАН-ын буюу оргилын Ж.Ганбаатарынх болсон. Нэг хүний вант улсаас нөгөөхөд шилжсэн ч Баянголчууд өнөөдрийг хүртэл хөгжсөн ч үгүй, хөлжсөн ч үгүй. Ө.Сумьяабаатар мэтийн улс төрийн хамгаалалттай, Баянгол дүүргийг нь өмчилсөн ВАН-гуудын гар хөлийг хэний төлөө юуны тулд НИТХ-ийн сонгуульд дахин нэр дэвшүүлж буй нь тодорхой. Тэр ирэх 4 жил дахиад л Баянгол дүүргийг "хувьчилж авсан" мэт удирдана.
Баянголчуудаа хэрсүү байцгаая. Хэнийг сонгохоо Та өөрөө мэдэх ч хэн нэгний гар хөлийг бүү дэмжээрэй.
Хариуцлага ч тооцож ч чаддаггүй, огцруулчиж ч болдоггүй Ө.Сумьяабаатарт нам нь хариуцлага хүлээлгэж чаддаггүй юм бол Баянголчууд өөрсдөө энэ сонгуулиар хариуцлага тооцож үл сонгоё
