Дэлхийн банкны судалгаагаар “2021-2025 оны хооронд Улаанбаатар хотын түгжрэлийн өртөг 8.5 тэрбум ам.долларт хүрсэн” гэдгийг тогтоожээ.
2020 онд Улаанбаатар хотын зөвхөн түгжрэлээс үүдсэн тээврийн зардал 1 тэрбум ам.долларт хүрсэн бөгөөд 2025 онд энэ тоо 2 дахин нэмэгдэх хандлагатай байжээ. Тиймээс түгжрэлээс үүдэлтэй эдийн засгийн нөлөөлөлд дүн шинжилгээг хийсэн байна. Ийнхүү дүгнэхэд, түгжрэлийн үр ашиггүй байдлаас үүдэлтэй цаг хугацаа, нөөцийн зардал болон бохирдлын зардал огцом өсөж, түгжрэлээс үүдсэн алдагдсан боломжийн зардал 2021 онд 3.82 их наяд төгрөг буюу 1.245 тэрбум ам.долларт хүрсэн гэж тооцоолжээ.
Түгжрэлээс үүдсэн алдагдсан боломжийн зардал нь Улаанбаатар хотын ДНБ-ий 16 хувь, Монгол Улсын ДНБ-ий 9 хувьтай тэнцэж байна. Монгол Улсын тээврийн салбар нь эдийн засагт шууд нөлөөлөх хандлагатай болж байгааг тус тус судалгаагаар нотолжээ.
Хэрэв 2050 он хүртэл Улаанбаатар хотын түгжрэлийг бууруулах ямар ч арга хэмжээ авахгүй нөхцөлд замын хөдөлгөөний хурд 2 км/цагт хүрнэ. Явган хүн дунджаар 4-5 км/цаг хурдтай алхдаг. Тэгвэл замын хөдөлгөөний хурд 2 км/цагт хүрвэл автомашин явган хүнээс бараг 2 дахин удаан буюу замын хөдөлгөөн “0” зогссонтой ялгаагүй нөхцөлд хүрэх аж.
