Хувьдаа ямар нэгэн бизнестэй тохиолдолд УИХ-ын гишүүн тухайн салбартай холбоотой хууль санаачлах, Ажлын хэсэгт оролцолдохоос татгалзах ёс зүйтэй байх ёстой. Гэтэл өнөөдөр хууль тогтоох дээд байгууллагад энэ зарчим алдагджээ.
УИХ-ын эрхэм гишүүд үүнийг хамгийн сайн мэдэж буй атлаа хэн ч юу ч хэлэлгүй бие биедээ тал засаж байгаа нь шинэ тогтолцоогоор бүрдсэн энэ Парламентийг эхнээс нь ёс зүйгүй, зарчимгүй муухай харагдуулж байна. Тэртусмаа ардчиллын гол суурь болсон хэвлэлийн эрх чөлөөг хуульчилах энэ асуудалд хувийнхаа телевизээр дамжуулж ард түмний толгойг яаж угааж болдгийг "төмөр замаар танк орж ирнэ" хэмээх алдарт PR-аар батлан харуулж байсан хүн энэ хуулийг гууль болгох нь гэсэн хардлага төрүүлж эхлээд байна.
С1 телевизийг эзэмшигч “Чаннел Уан” ХХК-ийн Улсын бүртгэлээс Х.Баттулга гэдэг хүний нэрийг хаслаа гээд С1 телевизтэй хамаагүй болчихсон мэт жүждэг улстөрчид ёс зүйтэй байгаасай.
